Удзельнікі Сінода: няхай чалавецтва стане адзінай і мірнай сям’ёй

Аляксандр Панчанка - Vatican News

Распачаў малітву кардынал Луіс Рафаэль Сако, халдэйскі Патрыярх Багдада. Іракскі іерарх заахвоціў прысутных на Зале Паўла VI “памаліцца за мір у свеце, асабліва ў Святой Зямлі, а таксама ва Украіне”. Ён згадаў пра насілле ў Іраку, Іране і Ліване. “Людзі з вялікай надзеяй чакаюць жыцця ў годнасці і братэрстве, а не ў страху і хваляваннях”, - сказаў ён, заклікаючы да салідарнасці з усімі, хто перажывае страх і пакуты.

Затым словы малітвы прамовіла старшыня Руху факаляраў, палестынка, Маргарэт Карам. “Пане, молім цябе за Святую Зямлю, за народы Ізраіля і Палестыны, якія знаходзяцца ў палоне беспрэцэдэнтнага насілля, за ахвяр, асабліва за дзяцей, параненых, закладнікаў, зніклых без вестак і іх сем’і”, - сказала яна, згадваючы таксама пра іншыя народы Блізкага Усходу, якія пакутуюць ад тэрору і разбурэнняў.

“Дапамажы нам Пане будаваць братэрскі свет, каб гэтыя народы і тыя, якія знаходзяцца ў падобных сітуацыях канфлікту, нестабільнасці і гвалту, адшукалі шлях павагі да правоў чалавека, на якім справядлівасць, дыялог і прымірэнне з’яўляюцца неад’емнымі прыладамі для будавання міру”, - дадала Маргарэт Карам.

Удзяляючы благаслаўленне, кардынал Сако, маліўся, каб зрабіў Нябесны Айцец зрабіў “усё чалавецтва адзінай сям’ёй, якая не ведае гвалту, абсурдных войнаў і ў братэрскім духу жыве, з’яднаная ў міры і згодзе”.