Заўчасна памёр апостальскі нунцый пры Еўрасаюзе
11 жніўня 2024 года раніцай на 74-м годзе жыцця памёр апостальскі нунцый пры Еўрапейскім саюзе, арцыбіскуп Ноэль Трэнар. Папа Францішак прызначыў яго на пасаду ў 2022 годзе.
Аляксандр Амяльчэня - Vatican News
Трэнар нарадзіўся ў Сільверстрыме, у Ірландыі, 25 снежня 1950 года. Прэзбітэрскае пасвячэнне атрымаў у 1976 годзе. З 31 сакавіка 1993 года быў генеральным сакратаром Камісіі біскупскіх канферэнцый Еўрапейскай супольнасці (COMECE), якая знаходзіцца ў Бруселі. 22 лютага 2008 года Бэнэдыкт XVI прызначыў яго Біскупам Даўна і Конара ў Ірландыі.
Нагадаем, што папярэднік Трэнара на пасадзе нунцыя пры Еўрасаюзе, арцыбіскуп Альда Джардана, таксама заўчасна памёр у снежні 2021 года з прычыны ўскладненняў са здароўем, выкліканых каронавірусам.
У арцыбіскупа Трэнара засталіся брат Джон і сястра Мэры.
12 жніўня 2024, 10:06
