Сустрэча Пантыфіка з манархам паўднёвай Афрыкі
Аляксандр Амяльчэня - Vatican News
Краіна, размешчаная паміж Паўднёва-Афрыканскай Рэспублікай і Мазамбікам, з'яўляецца адной з трох манархій Афрыкі і мае насельніцтва крыху больш за мільён чалавек.
Мсваці III знаходзіцца на троне з 1986 года, і яго візіт у Ватыкан мае важнае значэнне для міжнародных адносін паміж Святым Пасадам і афрыканскімі дзяржавамі. Сустрэча Францішка і манарха працягвалася каля 20 хвілін.
Пасля афіцыйнай часткі адбыўся традыцыйны абмен падарункамі. Папа падарыў свайму госцю маёліку з выявай статуі святога Пятра, які благаслаўляе, на фоне купала ватыканскай базілікі. Акрамя таго, кароль атрымаў копію паслання Францішка на Сусветны дзень міру 2024 года і кнігу пра папскія апартаменты для аўдыенцый, падрыхтаваную Прэфектурай Папскага дома.
Кароль Эсваціні, у сваю чаргу, прывёз Святому Айцу шахматную дошку з дрэва і шкла, вырабленую мясцовымі майстрамі, залатую металічную статую льва, два келіхі са шкла і срэбра, а таксама некалькі натуральных касметычных прадуктаў, вырабленых ў яго краіне.
Эсваціні, нягледзячы на свае невялікія памеры, з'яўляецца краінай з багатай культурай і традыцыямі. Візіт караля Мсваці III у Ватыкан падкрэслівае значэнне дыялогу паміж рэлігіямі і культурамі, а таксама ролю Святога Пасада ў падтрымцы міру і ўзаемаразумення паміж народамі. Сустрэча таксама стала пацвярджэннем увагі Папы Францішка да афрыканскага кантынента і яго імкненне да ўмацавання сувязяў паміж Касцёлам і афрыканскімі дзяржавамі.
