Святы Пасад у АБСЕ: захоўваць адзінства ў вызначэнні правоў чалавека
Марыя Валодзіна - Vatican News
Пастаянны прадстаўнік Святога Пасада пры ААН і іншых міжнародных арганізацыях у Вене
выказаў шкадаванне ў сувязі з адсутнасцю кансэнсусу адносна важных рашэнняў, якія тычацца Сустрэчы па рэалізацыі чалавечага вымярэння. Неабходна зразумець, чаму так часта не ўдаецца дасягнуць кансэнсусу па гуманітарных пытаннях "трэцяга кошыку", лічыць дыпламат. На яго думку, status quo, які захоўваецца на працягу многіх гадоў, адлюстроўвае не толькі палітычную сітуацыю ці некаторыя нявырашаныя дэталі, але і больш істотныя рознагалоссі ў разуменні правоў чалавека.
Святы Пасад часта выказваў занепакоенасць падыходамі, якія вырываюць правы чалавека з іх належнага кантэксту, абмяжоўваюць сферу іх прымянення або дапускаюць варыянты іх тлумачэння і адмаўленне іх універсальнасці. У гэтым сэнсе ўспрыманне абавязацельств АБСЕ, узятых на сябе некаторымі дзяржавамі або групамі так, як быццам яны з'яўляюцца ўсеагульна ўзгодненымі, супярэчаць фундаментальнаму правілу кансенсусу і прынцыпу суверэннай роўнасці дзяржаў-удзельніц, адзначыў мансеньёр Гіра.
Дыпламат нагадаў пра неабходнасць дакладна і асцярожна ўжываць тэрмін правы чалавека, каб ён не ператварыўся ў рытарычны лозунг, а таксама звярнуў увагу на небяспеку выкарыстання гэтага паняцця ў сучасных ідэалогіях.
Прадстаўнік Святога Пасада заклікаў да агульнага падыходу да гуманітарных пытанняў "трэцяга кошыку” і ўсеагульных прынцыпаў правоў чалавека, якія ляжаць у аснове чалавечага вымярэння. Каб дасягнуць рэальных вынікаў і прагрэсу, важна засяродзіцца на ўзгодненых абавязацельствах АБСЕ, а не на канцэпцыях, якія могуць выклікаць рознагалоссі, - зазначыў ён.
