У Ватыкане завяршыўся трэці набор у Школу рамёстваў
Аляксандр Амяльчэня - Vatican News
Мастацкая структура пры ватыканскай базіліцы працягвае сваю гістарычную місію па захаванні і перадачы будучым пакаленням каштоўнай мастацкай спадчыны мінулага. Сумесна з Фондам Fratelli tutti яна адкрывае дзверы для новага пакалення майстроў.
Сярод дваццаці абраных вучняў – трынаццаць дзяўчат і сем юнакоў ва ўзросце ад 18 да 25 гадоў. Яны будуць вывучаць мастацтва разьбы па камені, мазаікі, тынкоўкі і сталярнай справы пад кіраўніцтвам лепшых ватыканскіх майстроў.
Праграма навучання, якая працягнецца да красавіка 2025 года, уключае як тэарэтычныя заняткі, так і практычную працу ў майстэрнях Фабрыкі святога Пятра. Унікальнасць школы заключаецца ў тым, што яна бясплатная, а вучні атрымліваюць не толькі прафесійныя веды, але і магчымасць жыць у супольнасці.
Асаблівай падзеяй стала прызначэнне дзвюх выпускніц школы – Лізы і Марыяны – у штат санп'етрынаў – майстроў па догляду за ватыканскай базілікай. За ўсю 500-гадовую гісторыю Фабрыкі гэта першы выпадак, калі жанчыны ўвайшлі ў пастаянны штат. Раней, пачынаючы з 1500 года, жанчыны – звычайна ўдовы і сіроты – маглі працаваць толькі часова ці па дамове падраду.
