Гістарычны момант: кітайская мова на агульнай аўдыенцыі
Аляксандр Амяльчэня - Vatican News
"Сёння з вялікім задавальненнем пачынаем чытанне кароткага зместу катэхезы на кітайскай мове", - сказаў Францішак, звяртаючыся да прысутных кітайскіх вернікаў і тых, хто далучыўся да трансляцыі праз сродкі масавай камунікацыі. "Малюся аб радасці і супакоі для ўсіх вас і вашых сем'яў. Няхай вас Бог благаславіць!" - дадаў Папа.
Падзея стала важным крокам у развіцці дыялогу паміж Святым Пасадам і Кітаем, які ў апошнія гады набывае новую дынаміку. Варта адзначыць, што Францішак неаднаразова выказваў жаданне наведаць Кітай і сустрэцца з кітайскімі католікамі, якія складаюць меншасць у гэтай краіне.
Выкарыстанне кітайскай мовы падчас папскай аўдыенцыі таксама сведчыць пра ўніверсальнасць Каталіцкага Касцёла і яго адкрытасць да ўсіх народаў свету.
