Զմմառու դարաւոր վանքին մէջ. «Նահատակ գրագէտներու ոդիսական»ը խորագրով ոգեկոչման ձեռնարկ
Հայոց Ցեղասպանութեան ոգեկոչման միջոցառումներու շրջագիծը` կ'ընդգրկէր նաեւ Զմմառու Պատրիարքական Կղերի Միաբանութեան` Երանելի Իգնատիոս Մալոյեան դպրեվանքի ժառանգաւորաց կողմէ ներկայացուած` «Նահատակ գրագէտներու ոդիսականը» խորագրով զեկոյցները։
Կիրակի, 21 Ապրիլ 2024-ի,երեկոյեան ժամը 6-ին, Զմմառու Վանքի Արծիւեան ժողովասրհէն ներս։Նախաձեռնութեամբ` Համանուն կրթօճախի տեսուչթեան։
Կազմակերպութեամբ` ժառանգաւորներու։
Ներկայութեամբ` Պէյրութի թեմի Կաթողիկէ Հայոց կղերաց դասին, տեղի ունեցած ոգեկոչման` Բացման խօսքով հանդէս եկաւ` համանուն կրթօճախի փոխտեսուչ` Գեր.Պետրոս Վրդ. Մարաշլեանը։
Կիս.Սահակ Պօղոսեան ներկայացուց` տուեալ ժամանակաշրջանի պատմական դէպքերն ու հետեւանքները։Կիս.Էտի Շահպազեան` Գրիգոր Զոհրապի կեանքի ուղին։
Եղբ. Յակոբ Ժամկոչեան` Դանիէլ Վարուժանի կեանքը, գործերն ու ողբերգական Նահատակութիւնը։Եղբ. Աբրահամ Իսահակեան` Սիամանթոյի ժառանգը։
Եղբ. Պօղոս Էմիշեան` հայ ժողովուրդի հետ տարագրուած` հայոց երկու Կաթողիկոսութիւններու կրած անդառնալի կորուստներն ու իրաւունքը նաեւ գաղութաշինութեան աշխատանքները։
Ընթացքին Ժռնգ. Եղիա Ուրֆալեան ընթերցեց` բանաստեղծներու գործերէն հատուածներ։
Ոգեկոչման աւարտին խօսք առաւ` դպրեվանքի տեսուչ եւ նորընտիր` Պէյրութի թեմի օգնական Եպիսկոպոս` Արհ. Տ. Գրիգոր Եպս.Պատիշահ։
Գերպծռ. Տէրը իր խօսքին մէջ անդրադարձաւ Հայոց ցեղասպանութեան ընթացքին հայ ժողովուրդի կրած բազում-բազմապիսի կորուստներուն եւ որպէս փիւնիկ` մոխիրներէն վերընձիւղուելով` գոյատեւելու փաստին։
Գերպծռ.Գրիգոր բարձր գնահատեց ժառանգաւորներու կազմակերպած ոգեկոչումը։
Միջոցառման աւարտին` Զմմառու Պատրիարքական Կղերի Միաբանութեան Պատրիարքական Փոխանորդ եւ Զմմառու Վանքի Մեծաւոր Գերպծռ.Գէորգ Թ.Ծ.Վրդ Նորատունկեան իր սրտի խօսքը փոխանցեց ներկաներուն եւ ժառագաւորներուն յորդորեց` ըլլալ արժանավայել միաբաններ եւ միեւնոյն ոգիով հասնիլ`Սուրբ խորանի ծառայութեան։
Ապա մասնակիցները ստացան` ժառանգաւորաց "Կանչ Հրեշտակապետին" տարեգիրքի` Ապրիլ 24-ի, նուրիուած բացառիկ թիւը։ Այնուհետեւ ներկաները ուղղուեցան Զմմառու Ցաւագին Տիրամօր մատուռը, ուր Մեծաւոր հօր "Պահպանիչ"ով վերջ գտաւ ոգեկոչումը։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
