Երանելի Աքութիսի մասունքը փոխադրուեցաւ ՝«Նիսիտա» անուան անչափահասներուն բանտ
Վազգէն Աբարդեան - Վատիկան
Իւրայատուկ օր մը ապրեցան Իտալիոյ Նափոլի քաղաքին անչափահասներուն բանտին մէջ գտնուող երիտասարդները, ողջունելով Երանելի Քարլօ Աքութիսին մասունքը։ Միջոցառումը կազմակերպուած էր Քազերթայի փառատօնի շրջանակէն ներս, ունենալով որպէս թեմա «Ապրիլ՝ գործել է»։
Հայր Պապիօ Տէ Լուքա, բանտի մատրանապետը եւ Սան Վիթալէի ժողովրդապետը, իր խօսքին մէջ ընդգծեց երիտասարդի մը հետ համեմատուելու կարեւորութիւնը, որ ընտրած է՝ ոչ թէ մակերեսային այլ լիարժէք եւ իմաստալից կեանք մը։ Երանելի Աքութիսը կը ներկայացնէ դրական տիպար մը, ցոյց տալով որ կեանքի որակն է որ տարբերութիւնը կ՝ընէ եւ ոչ թէ քանակը։
Հայր Ֆապիոն խօսեցաւ բանտին մէջ գտնուող երիտասարդներուն մարտահրաւէրներու մասին՝ ընդգծելով թէ, որքան այդ երիտասարդներուն շատերուն վրայ ազդած են դժուար փորձարարութիւններ՝ ըլլայ ընկերային եւ ըլլայ ընտանեկան հարցերը։ Հայր Պապիօ յոյս յայտնեց որ երիտասարդները կարողանան ներքին ազատութիւն ձեռք բերել, ինչպէս նաեւ ֆիզիքական ազատութիւն։
«Կը գտնուինք Յոբելիանան տարուան մէջ, զոր նուիրուած է յոյսին, այն յոյսը, որ երբեք պէտք չէ պակսի մեր կեանքին մէջ ինչպէս կ՝ըսէ միշտ Սրբազան հայրը, նամանաւանդ բանտի միջավայրէն ներս։ « Անոնց յոյսը՝ այս տարի այն է բանտէն դուրս գալ, եւ իմ յոյսս իրենց համար այն է, որ հարազատ ազատութիւն գտնեն, հարազատ կերպով որոշելու ներքին ազատութիւն, ըսաւ Հայր Ֆապիօն։
Յիշենք որ Աստուծոյ ծառայ Քարլօ Աքութիսը ծնած է 1991թ. Լոնտոն ապա ապրած է Միլան: Ան իր մահկանացուն կնքած է վաղ հասակին 2006-ին, լէյկոզի հիւանդութեան հետեւանքով։ Աստծոյ ծառայ հռչակուած է 2018ին: 2019-ի ապրիլի 5-ին անոր աճիւնը հանդիսաւոր ձևով տեղափոխուեցաւ Ասսիզիի Սանթա Մարիա Մաճորէ սրբավայր:
Քարլոն կեանքին մէջ իրեն հիանալի ընկեր մը գտած էր ՝ Յիսուսը: Եւ կը ցանկանար իր այդ թանկարժէք Գանձը կիսել բոլորին հետ, եւ ասոր համար դարձաւ առաքեալ՝ շնորհիւ իր շատ սիրած համակարգչային արուեստագիտութեան։ Ան ստեղծած էր Սուրբ Հաղորդութեան հրաշքներուն նուիրուած առցանց հարթակ, որպէսզի բոլորին պատմէր Յիսուսին հետ իրական հանդիպման ուրախութեան մասին: Սրբադասման արարողութիւնը տեղի պիտի ունենայ ապրիլ 27-ին, Սուրբ Պետրոսի տաճարին մէջ։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
