Սրբազան Պապը գլխաւորեց Աւագ ուրբաթ օրուայ ` Աստուածային Վարդապետի չարչարանքներուն յիշատակութեան արարողութիւնը

Ուրբաթ 7 ապրիլի յետմիջօրէի ժամը 5.00ին, Սրբազան Քահանայապետը, Սուրբ Պետրոս տաճարին մէջ գլխաւորեց Տիրոջ չարչարանաց, խաչի պաշտամունքի ու ս. Հաղորդութեան ծիսակատարութիւնը, որուն ընթացքին օրուան յաւուր պատշաճի քարոզը ներկայացուց Քահանայապետական Տան Քարոզիչը` Կարդինալ Ռանիերօ Քանթալամեսսան, որ որպէս խորհրդածութեան նիւթ ընտրած էր. Մենք կը յայտարարենք քու մահդ, Տէր. Կը հռչակենք քու յարութիւնդ: Անհամբեր կը սպասենք քու գալստեանդ»։