Ֆրանչիսկոս Պապը աւարտեց Հունգարիոյ առաքելական ճամբորդութիւնը

Ռոպէր Աթթարեան - Վատիկան

Կիրակի 30 ապրիլ 2023ի կէսօրէն ետքը, «Փիթըր Փազմանի» կաթողիկէ համալսարանի մէջ ակադեմիական եւ մշակութային աշխարհի ներկայացուցիչներուն հետ ունեցած հանդիպումէն ետքը ուղղուեցաւ Պուտափեշտի միջազգային օդակայան ուր տեղի ունեցաւ հրաժեշտի պաշտօնական արարողակարգը ի ներկայութեան Հունգարիոյ նախագահ Տիկ Նաթալին Քովաքին։

Ժամը 17,45ի ժամանակները Նորին Սրբութիւնը օդանաւ բարձրացաւ վերադարձ կատարելու համար Հռոմ` ապա Վատիկան սաւառնելէ ետք Հունգարիոյ, խրուաթիոյ եւ Իտալիոյ օդային տարածքներու վրայէն։ Սրբազան Պապը փոխադրող օդանաւը թռիչք առաւ 18,10 անց եւ Հռոմ ժամանեց  19,25 անց։

Քահանայապետը Սնաթա Մարիա Մաճճորէ տաճարին մէռ

Յայտնենք որ հազիւ Հռոմ ժամանած Քահանայապետը սովորութեան համաձայն այցելեց Սանթա Մարիա Մաճճորէ տաճարի Սալուս Փոփուլի Ռոմանի սրբապատկերը պահպանող մատուռը Տիրամօր շնորհակալութիւն յայտնելու ճամբորդութեան յաջող ընթացքին համար։