Սրբազան Պապը Լիզպոնի մէջ հանդիպեցաւ կղերական դասի կողմէ չարաշահուած 13 անձերու հետ

Վատիկան Նիուզ - Հայկական Բաժանմունք

«Չորեքշաբթի 2 օգոստոսին Լիզպոն կատարած առաքելական ճամբորդութեան առաջին օրուան աւարտին Ֆրանչիսկոս Սրբազան Քահանայապետը Լիզպոնի Առաքելական Նուիրակութեան մէջ ընդունեց կղերական դասի չարաշահումներու զոհ 13 հոգիէ բաղկացած խումբ մը` որուն կ՛ընկերանային Փորթուկալալկան Եկեղեցւոյ անչափահասներու պաշտպանութեամբ զբաղող ներկայացուցիչներ

Հանդիպումը տեղի ունեցաւ ունկնդրութեան մթնոլորտի մը մէջ ու տեւեց գրեթէ մէկ ժամ» Լուրը կը հաղորդէ Սուրբ Աթոռի Մամլոյ գրասենեակը։