Ֆրանչիսկոս Պապ ընդունեց Պահրէյնի թագաւորը

Վազգէն Աբարդեան - Վատիկան

Երեքշաբթի, 17 հոկտեմբերին, յետմիջօրէին, Վատիկանի մէջ Ֆրանչիսկոս Սրբազան Քահանայապետը ընդունեց Պահրէյնի Համատ Պին Իսա Ալ Խալիֆ թագաւորը, որուն հետ վերջին անգամ հանդիպած էր անցեալ տարի 2022ին, 3 նոյեմբերին, Պահրէյն կատարած երեքօրեայ այցելութեան ընթացքին, ուր մասնակցեցաւ Պահրէյնի մէջ կազմակերպուած միջ կրօնային համագումարին եւ որուն ընթացքին կոչ բարձրացաւ կրօններու եւ ժողովուրդներու միջեւ խաղաղ համակեցութեան համար։

Վատիկանի մէջ կայացած Հանդիպումին ընթացքին Ֆրանչիսկոս Պապ Պահրէյնի թագաւորին նուիրեց հայրապետական երրեակ շքանշաններ, Մարդկային եղբայրութեան փաստաթուղթը, Statio Orbisի մասին գրքոյկը։

Թագաւորը ֆրանչիսկոս Պապին նուիրեց ժամացոյցով բիւրեղեայ ծաղկաման, որ կը պարունակէ որոշ բուրմունքներ, ինչպէս նաեւ լուսանկարներու հատոր մը առնուած Պահրէյն կատարած այցելութիւնէն եւ Պահրէյնի մէջ նոր տաճարի կառուցման վերաբերող գիրքի երկրորդ հատորը։