Ֆրանչիսկոս Պապ խնդրեց օգնել երկրաշարժի թիրախ Աֆկանիստանի ժողովուրդը

Վազգէն Աբարդեան - Վատիկան

Չորեքշաբթի, 11 հոկտեմբերին, հրապարակային ունկնդրութեան աւարտին ֆրանչիսկոս Պապ կոչ ուղղեց նաեւ օգնութեան հասնելու Աֆկանիստանի ժողովուրդին, որ անցեալ 7 հոկտեմբերի թիրախ դարձաւ զօրաւոր երկրաշարժի հարուածին որուն հետեւանքով արձանագրուեցաւ աւելի քան 3 հազար զոհեր եւ աւելի քան 10 հազար վիրաւորներ։

Ոչ միայն ցաւ Միջին Արեւելքի մէջ արձանագրուած բռնութիւններուն համար, այլեւ Աֆկանիստանի համար մտահոգութիւն, ուր անցեալ շաբաթ ուժգին երկրաշարժ մը հարուածեց երկրի արեւմտեան շրջանը։ Ֆրանչիսկոս Պապ Հրապարակային ընդհանուր ունկնդրութեան աւարտին խնդրեց աղօթել« անօթութենէն, անդադարութիւններէն եւ պատերազմէն տառապողներուն համար, յատուկէն սիրելի նահատակ Ուքրանիոյ համար»։ Նորին Սրբութիւնը յատուկէն յիշեց Աֆկանիստանի ժողովուրդը, որ « Տառապանքի մէջ է սարսափելի երկրաշարժի պատճառով, որուն հետեւանքով արձանագրուեցան հազարաւոր զոհեր, կիներ, մանուկներ, եւ տեղահանուածներ»։

Թեթեւցնել ժողովուրդի տառապանքները

Ֆրանչիսկոս Պապ հրաւիրեց . «Բարի կամք ունեցող անձերը օգնելու այդ ժողովուրդին, որ արդեն այդքան փորձուած է, եղբայրութեան ոգիով նպաստելով ժողովուրդի տառապանքը թեթեւցնելու եւ անհրաժեշտ վերակառուցման աշխատանքներուն աջակցելու համար։

Աւելի քան 2 հազար մեռեալներ

Անցեալ 7 հոկտեմբերին, 4,6 եւ 6,3 ուժգին երկրաշարժ մը հարուածեց հերաթ քաղաքը քար ու քանդ դարձնելով քաքաղին շուրջը գտուող գիւղերը։ որուն պատճառով արձանագրուեցաւ 3 հազար զոհեր ու  10 հազար վիրաւորներ։