Ֆրանչիսկոս Պապ «Սքոլաս»ի երիտասարդներուն. «Միշտ մշակեցէք ձրիութեան արժէքը»

Վազգէն Աբարդեան - Վատիկան

23էն-26 հոկտեմբերին, Պրազիլի մայրաքաղաք՝ Սան Փաուլոյի մէջ տեղի ունեցաւ Երիտասարդներու համաշխարհային 6-րդ հաւաքը, նախաձեռնութեամբ Քահանայապետական Scholas Occurrentes եւ World ORT միջազգային կազմակերպութիւններուն։ Հաւաքին նիւթը եղաւ կրթութիւնը, որպէս միջոց միջ կրօնային երկխօսութեան եւ խաղաղութեան մշակոյթին համար։

Այս առթիւ Ֆրանչիսկոս Սրբազան Քահանայապետը պատկերասփռուած պատգամով մը ողջունեց երիտասարդներու համաշխարհային հաւաքի մասնակիները ու շնորհակալութիւնը յայտնեց հաւաքի կազմակերպիչներուն։

Պատկերասփռուած պատգամի մէջ Սրբազան Հայրը ըսաւ.

Կը փափաքիմ շնորհակալութիւն յայտնել ORT կազմակերպութեան ղեկավարներուն իրենց կատարած աշխատանքին համար։ Խորհրդածութեան ինչպէս նաեւ վկայութեան աշխատանք մը՝ երեք բառերով. Շարժում, անվճար եւ հանդիպում» ըսաւ Սրբազան Հայրը ընդգծելով, որ «Իսկական մարդկային եւ ոչ վաճառական ըլլալու համար, հանդիպումը պէտք է որ անվճար ըլլայ։ Եւ որպէսզի հանդիպում կատարուի պէտք է, որ շարժում տեղի ունենայ»։

Ֆրանչիսկոս Պապ ապա իր գնահատանքը յայտնեց ըսելով.

«Շնորհակալ եմ ORT-ի դպրոցներուն ղեկավարներուն, որոնք կ՝աշխատին Scholas-ի հետ, դա հաստատութիւն մըն, է որ տակաւին չ՝արտայայտեց իր ողջ ներուժը, նոյնիսկ եթէ երկար ժամանակէ ի վեր գոյութիւն ունի։ Ան հեռու ապագային համար մեծ բան մըն է ։ Շնորհակալութիւն կը յայտնեմ Պրազիլի իշխանութիւններուն, որոնք թոյլ տուին եւ աջակցեցան այս տեսակ նախաձեռնութիւններուն։ Շնորհակալ եմ եւ Աստուած ձեզ օրհնէ» ըսաւ Սրբազան Հայրը։