Հայր Էնցօ Ֆորթունաթօ նշանակուեցաւ Մանուկներու համաշխարհային օրուան համակարգող

Վատիկան Նիուզ - Հայկական Բաժանմունք

Ուրբաթ` 19 Յունուար 2024ին Ֆրանչիսկոս Սրբազան Քահանայապետը Ֆրանչիսկեան միաբանութեան անդամ եւ Ասսիզիի Սուրբ Վանքին երբեմնի մամլոյ գրասենեակի տնօրէն Հայր Էնցօ Ֆորթունաթոն նշանակեց Մանուկներու համաշխարհային օրուան համակարգող եւ Վատիկանի Սուրբ Պետրոս Պապական Պազիլիքային հաղորդակցութեան տնօրէն։

Հայր Էնցոն ծնած է 24 նոյեմբեր 1966ին։ Քահանայ ձեռնադրուած է 1994-ին եւ ուսումները աւարտած է Ասսիզիի մէջ։ 

Նախ քան կրօնական սքեմը հագնիլը Հայր Էնցոն աշխատած է որպէս ճաշարանի սպասաւոր։ Ան ապա համագործակցած է «Օսսերվաթորէ Ռոմանօ» Վատիկանեան օրաթերթին, Ավեննիրէ, Քորիերէ տելլա Սէրա, Հաֆինկթոն Փոսթ եւ Քուոթիտիանօ Նացիոնալէ թերթերուն հետ ինչպէս նաեւ «Ռայ Ունօ» իտալական հեռուստակայանի հետ։