Ֆրանչիսկոս Պապ ընդունեց Guinea Bissau հանրապետութեան նախագահը

Վազգէն Աբարդեան - Վատիկան

Երկուշաբթի, 29 յունուարին, Վատիկանի Առաքելական պալատին մէջ Ֆրանչիսկոս Պապ ընդունեց Guinea Bissau հանրապետութեան նախագահ, Տիար Ումարօ Սիսոքօ Էմապօ, նախագահը ապա հանդիպեցաւ Վատիկանի պետական քարտուղար կարդինալ Փիեթրօ Փարոլինի, ընկերակցութեամբ Պետութիւններուն հետ յարաբերութիւններու եւ միջազգային կազմակերպութիւններուն քարտուղար կարդինալ Փոլ Ռիչարտ Կալլակերը։

Սուրբ Աթոռի մամլոյ գրասենեակի հրապարակած հաղորդագրութեան մէջ կը նշուի, որ սիրալիր մթնոլորտի մէջ կայացած հանդիպումի ընթացքին ընդգծուած են Սուրբ Աթոռի եւ Guinea Bissau հանրապետութեան միջեւ բարի յարաբերութիւնները, կեդրոնացած են երկրի ընկերային իրավիճակի որոշ երեւոյթներու վրայ ու բարձր գնահատուած է երկրի մէջ Եկեղեցւոյ ներդրումը ի նպաստ ընդհանուր բարօրութեան, յատուկէն կրթական եւ առողջապահական ոլորտէն ներս։