Ճափոնի մէջ երկրաշարժ Ֆրանչիսկոս Պապին աղօթքն ու զօրակցութիւնը

Վազգէն Աբարդեան - Վատիկան

Վատիկանի Պետական քարտուղար, կարդինալ Փիեթրօ Փարոլին, Ֆրանչիսկոս Պապին անունով ցաւակցագիր յղեց, կիրակի, 1 յունուար, 2024ին, Ճափոնի Իշիքավա քաղաքին 7,6 ուժգնութեամբ տեղի ունեցող աղետալի երկրաշարժի ի լուր, որուն պաճառաւ արձանագրուեցաւ աւելի քան 48 մեռեալ։ 

Ցաւակցագիրին մէջ կարդինալ Փարոլին փոխանցեց Ֆրանչիսկոս Պապին մօտիկութիւնը բոլոր անոնց որոնք թիրախ դարձան այդ բնական աղէտին, ապահովուելով Նորին Սրբութեան աղօթքը մեռեալներուն, բոլոր անոնց, որոնք կը ողբան իրենց սիրելիներու կորուստին համար, ինչպէս նաեւ անհետ կորսուածներուն փկրութեան հասնող անձերու դիտաւորութեան։

Կարդինալ Փարոլին ցաւակացագիր աւարտած է փոխանցելով ֆրանչիսկոս Պապի քաջալերանքն ու օրհնութիւնը քաղաքացիական իշխանութիւններուն, ինչպէս նաեւ վերապրողներու շտապ օգնութեան հասնող անձնակազմին։