Ֆրանչիսկոս Պապը տակաւին թեթեւ հարբուխ ունի, չեղեալ յայտարարուեցան Անոր այսօրուան գործունէութիւնները։
Վատիկանի Մամլոյ գրասենեակը յայտարարութեամբ մը տեղեկացուց, որ երկուշաբթի, 26 փետրուարին, առաւօտեան, որպէս նախազգուշութիւն, թեթեւ հարբուխի պատճառով ջնջուեցան Ֆրանչիսկոս Պապին օրակարգի վրայ ընդգրկուած գործունէութիւնները։ «Նորին Սրբութիւնը տակաւին թեթեւ հարբուխ ունի սակայն տաքութիւնը չ՝ունի», նշուած է Սուրբ Աթոռի յայտարարութեան մէջ։
Նշենք, որ կիրակի, 25 փետրուարին, Ֆրանչիսկոս Պապ վատ առողջ ըլլալով, կէսօրին, Վատիկանի Առաքելական պալատին գրասենեակի պատուհանէն կրցաւ ողջունել հրապարակը գտնուող հաւատացեալները ու արտասանել հրեշտակ Տեառն Մարեմեան աղօթքը, որուն աւարտին կոչ ուղղեց Ուքրանիոյ խաղաղութեան համար, ինչպէս նաեւ բռնութիւններու թիրախ Նիճերիոյ եւ Քոնկոյին ժողովրդավարական հանրապետութեան մէջ երկխօսութեան վերադարձին համար։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
