Ֆրանչիսկոս Պապ. Թող յուշարձանները կեանքի դաս ըլլան նախ քան թանգարանի կտորներ

Վազգէն Աբարդեան - Վատիկան

Շաբաթ, 12 ապրիլին, Ֆրանչիսկոս Պապ ընդունեց սպանական, մարդկութեան ժառանգութեան համար «Ciudades» անուան խումբի անդամները ու անոնց փոխանցեց գրաւոր պատգամ մը, որուն սկիզբը շնորհակալութիւն յայտնած է  անոնց Վատիկան այցելելուն համար, «որ ձեզի նման կը պահպանէ հարուստ ժառանգութիւն մը, որուն պահապաններն ենք։ Մեծ պատասխանատուութիւն մըն է, նաեւ կոչում», գրած է Սրբազան Հայրը ապա այս առնչութեամբ իր միտքը յայտնած է, որ ժառանգութեան համար մեր հետաքրքրութիւնը պէտք չէ սահմանափակուի մշակութային, արուեստական ոլորտէն ներս, այլ պէտք է ունենայ աւելի ընդարձակ հեռանկար՝ ընկալելով այդ ժառանգութիւնը ստացող մարդու եւ փոխանցած ժողովուրդի համալրումը» նշած է Սրբազան Հայրը, ընդգծելով որ պատմական իրավիճակները, իրենց լոյսերով եւ մթութիւններով մեզի կը խօսին իրական այր մարդոց եւ կանանց մասին, հարազատ զգացումներուն մասին, որոնք պէտք են, որ մեզի համար դառնան կեանքի դասեր նախ քան թանգարանի կտորները։

«Տիրոջմէ կը հայցեմ, որ ձեր քաղաքներուն գեղեցկութեան հետ, ձեզի շնորհէ ձեր ժողովուրդին հաւատքը, յոյսը, սէրը սփռելու շնորհքը։ Թող տարբեր յուշարձաններուն մասին խորհրդածութիւնը թոյլ տայ, անոնց որոնք հոն կ՝ապրին կամ կ՝այցելեն, մտածելու խոհեմութեան եւ ուժի մասին, որոնք հնարաւոր դարձուցին անոնց ստեղծումը» նշեց Սրբազան Հայրը։  Սրբազան Հայրը գրաւոր պատգամը աւարտած է հայցելով Աստուածային օրհնութիւնը բոլորին վրայ։