Ֆրանչիսկոս Պապ կ՝աղօթէ Փափուա Նովա Կինէայի մէջ սողանքի պատճառով արձանագրուած զոհերուն համար
Վազգէն Աբարդեան - Վատիկան
Երկուշաբթի, 27 մայիսին, Վատիկանի Պետքարտուղար կարդինալ Փիեթրօ Փարոլին, Ֆրանչիսկոս Պապին անունով ցաւակցական գիր յղեց Փափուա Նովա Կիէային մէջ սողանքի պատճառաւ արձանագրուած զոհերուն ի լուր
Ցաւակցական գիրին մէջ ծիրանաւորը կը նշէ, որ Ֆրանչիսկոս Պապ խորապէս տխրած է Փափուա Նովա Կինէայի մէջ Էնքա գաւառէն ներս սողանքի պատճառաւ ու իր մօտիկութիւնը կ՝ապահովուէ այդ բնական աղէտին տուժածներուն։ Կարդինալ Փարոլին նշեց որ Նորին Սրբութիւնը յատուկէն կ՝աղօթէ զոհերուն, իրենց սիրելիներուն կորուստի համար սգացողներուն եւ ինչպէս նաեւ անյայտ վիճակի մէջ գտնուող անձերուն փրկութեան համար ու կը քաջալերէ քաղաքացիական իշխանութիւնը եւ փրկարարները շարունակելու իրեն շտապ օգնութեան ջանքերը եւ հայցելով Աստուածային մխիթարութեան եւ զօրութեան օրհնութիւնները բոլորին վրայ
Յայտնենք, թէ Փափուա Նովա Կիէային մէջ անցեալ շաբաթ տեղի ունեցած սողանքի զոհերու թիւ կարող է գերազանցել 670-ը։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
