Ֆրանչիսկոս Պապ ընդունեց Մոսկուայի մետրոպոլիտ Անտոնի

Վազգէն Աբարդեան - Վատիկան

Ֆրանչիսկոս Պապ հանդիպում ունեցաւ Մոսկուայի եկեղեցական արտաքին յարաբերութիւններու բաժանմունքի քարտուղար Մետրոպոլիտ Անտոնի Վոլոքոլամսքի հետ։ Լուրը հաղորդեց Սուրբ Աթոռի մամլոյ գրասենեակը հրապարակելով հաղորագրութիւնը տեղեկացնելով, որ հանդիպումը տեղի ունեցաւ հինգշաբթի, 11 յուլիսին, յետմիջօրէին։

Ֆրանչիսկոս Պապին եւ Անտոնի մետրոպոլիտի միջեւ առաջին հանդիպումը տեղի ունեցած է 5 օգոստոսին, երբ Օրթոտոքս եկեղեցւոյ ներկայացուցիչը առաջին անգամ Վատիկան այցելեց՝ Մետրոպոլիտ Հիլարիոնին յաջորդելէն ետք։

Երկրորդ հանդիպումը տեղի ունեցած է 12 սեպտեմբեր 2022ին, Ղազախստանի մայրաքաղաք, Նուր Սուլլթանի մէջ, ուր Սրբազան Հայրը ժամանեց մասնակցելու համար աւանդական կրօններու ղեկաւարներուր ընդհանուր ժողովին։

Նաեւ 2 մայիս 2023ին, Մետրոպոլիտ Անտոնի Հռոմ ժամանած էր հանդիպելու համար Հռոմի Քուրիայի վերատեսչութիւններուն կարգ մը ղեկավարներուն հետ ու մասնակցած էր Սուրբ Պետրոսի հրապարակին վրայ Պապին հրապարակային ունկնդրութեան։