Ֆրանչիսկոս Պապին պատգամը Մատրիտի երիտասարդներուն“Madrid Live Meeting 2024” առթիւ։
Վազգէն Աբարդեան - Վատիկան
Շաբաթ, 5 հոկտեմբերին, Ֆրանչիսկոս Պապ լսատեսողական պատգամ յղեց Մատրիտի արքեպիսկոպոսարանի երիտասարդներուն «Madrid Live Meeting 2024» ժողովի կապակցութեամբ
Պատգամին մէջ Սրբազան Հայրը նախ ողջունեց Մատրիտի արքեպիսկոպոսարանին մէջ հաւաքուած երիտասարդները ապա ապահովուեց իր մօտիկութիւնը ու ուղեկցութիւնը՝ երիտասարդներուն աշխատանքներուն խնդրելով անոնցմէ չմոռնալու այն իրողութիւնը որ «երիտասարդ մը երբ շարժում չստեղծեր, երիտասարդ մը երբ անշարժ կանգնած կը մնայ մահացած ծերուկ մը կը դառնայ։ Ֆրանչիսկոս Պապ ապա քաջալերեց երիտասարդները յառաջ ընթանալու եւ շարժումի մէջ մնալու ըսելով.
«Երբեմն կ՝ըսեմ բան մը, որ կարգ մը անձերուն հաճելի չթուիր. Աղմկեցէք, աղմկարար դարձէք, այդ կառուցողական աղմուկը, որ կը ծնի իտէալներէն ու աղմկարար ըլլալէ զատ երկխօսեցէք բոլորին հետ։ Երկխօսեցէք տարեցներուն հետ, որ ժողովուրդի մը իմաստութիւնն են։ Լսեցէք անոնց, որ ձեզի մտիկ կ՝ընեն։ Մի՛ կտրէք ժողովուրդի արմատները։ Ծառ մը որ իր արմատները կը կտրէ հոյթ չ՝ունի։ Կառչեցէք արմատներուն, բայց ստեղծագործաբար։ Երիտասարդ մը, որ ստեղծագործ չէ, կեանք չ՝ունի, կեանքի մէջ մեռած մըն է» ըսաւ Սրբազան Հայրը խրախուսելով երիտասարդները «յառաջ երթալու քաջութեամբ առանց կորսնցնելու ուրախութիւնը»։
«Թող Տէրը ձեզ ուրախութեամբ լեցնէ։ Մի՛ կորսնցնէք զուարթամտութեան իմաստը։ Թող Տէրը ձեզ լեցնէ զուարթամտութեամբ եւ շնորհքով։ Թողը Տէր ձեզ օրհնէ ,ըսաւ Քահանայապետը ու պատգամը աւարտեց շնորհելով իր առաքելական օրհնութիւնը ու խնդրելով, որ չմոռնան աղօթելու իրենց համար։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
