2025-ի Յոբելեանը բնորոշուած պիտի ըլլայ յոյսով, որ չի սպառիր. Ֆրանչիսկոս Պապին թուիթը
Վատիկան Նիուզ – Հայկական Բաժանմունք
«#2025-ի Յոբելեանը բնորոշուած պիտի ըլլայ յոյսով, որ չի սպառիր։ Ան թող մեզի օգնէ վերագտնելու անհրաժեշտ վստահութիւնը Եկեղեցւոյ մէջ, միջ-անձնային յարաբերութիւններու, միջազգային յարաբերութիւններու, իւրաքանչիւր մարդու արժանապատուութեան և ստեղծագործութեան յարգանքի հանդէպ». Այս կը կարդանք Ֆրանչիսկոս Պապին այսօր «ԻՔՍ» հարթակի վրայ կատարած գրառումին մէջ, որուն պարունակութիւնը քաղուած է Սրբազան Պապին «spes non confundit - Յոյսը յուսախաբ չի թողուր» Սուրբ Տարին հռչակող կոնդակէն։
Կոնդակին մէջ ի միջի այլոց գրուած է. «Թող հաւատացեալներու վկայութիւնը ըլլայ իրական յոյսի թթխմոր աշխարհին մէջ, աւետիս նոր երկնքի ու նոր երկրի, որտեղ ժողովուրդները իրար միջեւ ապրին արդարութեամբ և ներդաշնակութեամբ՝ նպատակ ունենալով իրականացնել Տիրոջ խոստումը։ Եկէք այժմէն իսկ թոյլ տանք, որ ներգրաւուինք յոյսով և թոյլ տանք, որ ան մեր միջոցաւ վարակիչ դառնայ անոնց համար, որոնք զայն կը ցանկան»:
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
