2023-ի «Պօղոս Զ Միջազգային մրցանակը» կը յանձնուի 29 Մայիսին
Վատիկան Նիուզ – Հայկական բաժանմունք
Յառաջիկայ 29 Մայիս 2023-ին առաքելական պալատի Քլեմենթինա դահլիճին մէջ նախատեսուած է «Պօղոս Զ Միջազգային մրցանակ»ի յանձնումը ձեռամբ Ֆրանչիսկոս Սրբազան Քահանայապետին, Մոնթինի Քահանայապետին Քահանայապետ ընտրութեան 60րդ ամեակին առիթով։
Մրցանակակիրներուն անունները պիտի յայտարարուին յառաջիկայ 19 ապրիլին նախատեսուած մամլոյ ասուլիսի մը ընթացքին, որ տեղի պիտի ունենայ ժամը 12ին, Սուրբ Աթոռի Մամլոյ գրասենեակի կեդրոնատեղիին մէջ մէջ։
«Մրցանակը ընդհանրապէս կը շնորհուի կարեւոր անձնաւորութիւններու, որոնք որոշ ներդրումներ ունեցած են մշակոյթի տարբեր բնագաւառներու և մարդկային արդար համակեցութեան խրախուսման գործին մէջ եւ որոնք տարբեր ձևերով վկայութիւն տուած են Պօղոս Զ-ի հոգևոր ժառանգութեան կենսունակութեան մասին» նշուած է այս առիթով հրատարակուած հաղորդագրութեան մէջ։
Նախին տարիներու մրցանակակիրներու շարքին նշենք. Հանս Ուրս ֆոն Պալթասարը` աստուածաբանական ուսումնասիրութիւններու համար (1984), Օլիվիէ Մեսիէնը` երաժշտութեան համար (1988), Օսքար Քուլմանը համամիութենական շարժումին համար (1993), Փոլ Ռիքէօրը փիլիսոփայութեան համար (2003) և «Քրիստոնեայ Աղբիւրներ» շարքը` կրթութեան համար (2009):
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
