Վատիկանի դատավարութիւն. մեղադրեալները դատապարտուեցան 37 տարուայ բանտարկութեամբ
Ռոպէր Աթթարեան - Վատիկան
Շաբաթ 16 դեկտեմբերին իր աւարտին հասաւ 2021 թուականի Յուլիսին սկսած Վատիկնաի դատական գործընթացքը որ այդ թուականէն աստին ունեցաւ 86 նիստեր որոնք եզրակացութիւնը` դատավճիռը ընթերցուեցաւ Վատիկանի դատարանի նախագահ Ճուզեփփէ Փինիաթոնէի կողմէ` 16 դեկտեմբերի կէսօրէն ետքը եւ որուն համաձայն Կարդինալ Անճելօ Պեչչուին կիրակուեցան հինգ տարի վեց ամիս բանտարկութիւն ապա պետական պաշտօններէ մշտական զրկում և 8 հազար եւրոյի տուգանք։
Դատավճիռի համաձայն ֆինանսական պատժամիջոցներ կիրակուեցան նաեւ «AIF»ի (Ֆինանսական տեղեկատւութեան իշխանութիւն), նախկին նախագահ Ռընէ Պրուլհարի եւ տնօրէն Թոմմազօ Տի Ռուցցայի ապա Պետական քարտուղարութեան նախկին ֆինանսական խորհրդատու Էնրիքօ Քրասսոյի` եօթը տարուայ բանտարկութիւն եւ 10 եւրոյի տուգանք ինչպէս նաեւ պետականպաշտօններէ մշտական զրկում։
Ֆինանսագէտ Ռաֆայէլ Մինչիոնէի համար 5 տարի 6 ամիս՝ գումարած 8 հազար եւրօ տուգանքի և պետականպաշտօններ ստանձնելու մշտական զրկում։ Պետքարտուղարութեան վարչական գրասենեակի նախկին աշխատակից Ֆապրիցիօ Թիրապասսիի համար 7 տարի ազատազրկում և 10 հազար եւրօ տուգանք ու պետական պաշտօններէ մշտականզրկում։
Փաստաբան Նիքոլա Սքուիլլաչէին մէկ տարի տասը ամիս բանտարկութիւն իսկ Պրոքէր Ճանլուիճի Թորցիին վեց տարի բանտարկութիւն եւ վեց հազար եւրոյի տուգանք ու նաեւ պետականպաշտօններէ մշտական զրկում հուսկ մէկ տարուայ տեւողութեամբ յատուկ հսկողութեան ենթարկութիւն։ Երեք տարի ինը ամիս Չեչիլիա Մարակոնայի և ժամանակաւոր արգելք՝ նոյն ժամկէտով։ Հուսկ «Logsic Humanitarne Dejavnosti» ընկերութեան կիրակուեցաւ 40 հազար եւրոյի տուգանք։
Վերոնշեալ դատավարութիւնը սկիզբ առած էր Պետական Քարտուղարութեան եւ ԵՕՐ-ի կողմէ ներկայացուած հայցի մը բերումով, հայող Լոնտոնի «60 Sloane Avenue»ի Պետական Քարտուղարութեան պատկանող պալատի մը որուն վրայ մեծ գումար ներդրում կատարուած էր եւ որ Պետական Քարտուղարութիւնը մատնած էր ֆինանսական դժուարութեան։
Դատավարութեան ընթացքին ապա ի յայտ եկան այլ երկու հարցեր կապուած Կարդինալ Պեչչուին. Առաջինը Պետական Քարտուղարութեան կողմէ 570 հազար գումարը յատկացուած Չեչիլիա Մարոնիային որ իբր թէ միջամտած էր ազատ արձակելու ափրիկէի մէջ առեւանգուած մայրապետ մը բայց իրականութեան մէջ այդ գումարները ծախսուեցան իր անձնական քմահաճոյքի համաձայն։
Իսկ երկրորդը 125 եւրօ գումար զոր միշտ կարդինալ Անտելօ Պեչչուն յատկացաու իր ծննդավայր Օծիերի Թեմի Քարիթասին եւ որ տրամադրուած էր «ՍՓԵՍ» ընկերութեան որուն նախագահը նոյնինքն Կարդինալ Պեչչույին եղբայրն էր։
Դատարանի դահլիճին մէջ ներկայ փաստաբաններէն շատերը յայտարարեցին, թէ բողոքի հայց պիտի ներկայացնեն։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
