Ֆրանչիսկոս Պապ պիտի ընդունի Արեւելքի Ասորի Եկեղեցւոյ Պատրիարք Մար Ավա Գ

Վազգէն Աբարդեան - Վատիկան

Ուրբաթ, 8 նոյեմբերին, Քրիստոնեաներու Միութեան Խթանման վերատեսչութեան գրասենեակը հրապարակելով հաղորդագրութիւն մը տեղեկացուց, որ շաբաթ 9 նոյեմբերին, Ֆրանչիսկոս Սրբազան Քահանայապետն ու Արեւելքի Ասորի Եկեղեցւոյ Կաթողիկոս պատրիարք, Նորին Սրբութիւն Մար Ավա Գ միասնաբար պիտի նշեն Կաթողիկէ Եկեղեցւոյ եւ Ասորի եկեղեցւոյ միջեւ Քրիստոսաբանութեան ընդհանուր հռչակագիրի երեսուն ամեակը ու 40 ամեակը Ասորի Պատրիարքին Հռոմ կատարած առաջին այցելութեան։

Հաղորդագրութեան մէջ կը նշուի նաեւ որ Նորին Սրբութիւն Ավա Գ Պատրիարքին պիտի ընկերանան Արեւելքի Ասորի եկեղեցւոյ եւ Կաթողիկէ եկեղեցւոյ միջեւ Աստուածաբանական երկխօսութեան խառն յանձնաժողովին անդամները, որ ստեղծուած է երեսուն տարի առաջ ու վերջերս սկսած է ծէսի շուրջ երկխօսութեան նոր փուլ մը ՝եկեղեցւոյ կեանքին մէջ։