27էն 30 Մարտ Գերապայծառ Կալլակէրը կ՛այցելէ Հունգարիան
Ռոպէր Աթթարեան - Վատիկան
Պետութիւններու ու միջազգային կազմակերպութիւններու քարտուղար Գերապ. Փոլ Ռիչըրտ Կալլակէր 27էն 30 Մարտին կը մեկնի Հունգարիա ուր նախատեսուած են անոր զանազան հանդիպումները, սկսեալ Երկրին արտգործ նախարար Տիար Փիթըր Սիարթույի հետ հանդիպումը` որ տեղի կ՛ունենայ ուրբաթ 28 Մարտի առաւօտեան եւ որուն կը հետեւի Վատիկանի դիւանագէտին ելոյթը Հունգարիոյ Դեսպաններու տարեկան համաժողովին, Հունգարիոյ մօտ երբեմնի առաքելական նուիրակ Գերապ. Անճելօ Ռոթթայի մահուան վաթսուն ամեակի ոգեկոչումը, եւ Գերապ. Կալլակէրի` Հունգարիոյ եպիսկոպոսական համահաւաք դասի նախագահ ` Կարդինալ Փիթըր Էրտոյի հետ ունենալիք հանդիպումը, որուն պիտի մասնակցին նաեւ չորս այլ եպիսկոպոսներ ու Յոյն Կաթողիկէ Եկեղեցւոյ Արքեպիսկոպոսը։
Շաբաթ 29 Մարտին Գերապայծառ Կալլակէրը պիտի այցելէ Պենետիկտեան Միաբանութեան Սան Մարթինօ տի Փաննոնհալմայի աբբայարանը ուր հանդիպում պիտի ունենայ վանքի հասարակութեան ու աշակերտութեան հետ, ապա Կիրակի 30 Մարտին այցելութիւնը պիտի եզրափակէ Պուտաբեշտի Սուրբ Ստեփանոս համա-աթոռանիստ Եկեղեցւոյ մէջ մատուցած պատարագով։
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
