Էսթոնիայի Նախագահ Վատիկանի մէջ

Վատիկան Նիուզ - Հայկական Բաժանմունք

«Այսօր` 3 ապրիլ 2025-ի առաւօտեան Էսթոնիայի Հանրապետութեան նախագահ Տիար Ալար Քարիսը, հիւրընկալուեցաւ Սուրբ Աթոռի Պետական Քարտուղարութեան մէջ, Սուրբ Աթոռի Պետական Քարտուղար Կարդինալ Փիեթրօ Փարոլինի կողմէ, որուն կ՛ընկերանար Պետութիւններու ու Միջազգային Կազմակերպութիւններու հետ յարաբերութիւններու քարտուղար Գերապ. Փոլ Ռիչըրտ Կալլակէրը». Լուրը հաղորդեց Սուրբ Աթոռի մամլոյ գրասենեակը նշելով նաեւ թէ «սիրալիր խօսակցութիւններու ընթացքին, գնահատանք արտայայտուեցաւ երկկողմ բարի յարաբերութիւններու մասին, ի յայտ դնելով տեղական կաթողիկէ համայնքի դրական ներդրումը էսթոնական ընկերութեան մէջ եւ գոհունակութիւն յայտնուեցաւ Էսթոնիայի առաջին երանելի արքեպիսկոպոս` նահատակ Էտուարտ Փրոֆիթլիխի մօտալուտ երանացման համար»։

Ի վերջոյ, անոնք կենտրոնացան նաև երկկողմ, տարածաշրջանային և միջազգային խնդիրներու վրայ՝ մասնաւորապէս անդրադառնալով Ուքրանիայի պատերազմի աւարտի հեռանկարներուն։