Եւրոպական Խորհրդարանի Ներկայացուցիչներ. «Հայաստանին ու Ազրպէյճանին կոչ կ՛ուղղենք իրենց բանակցութիւնները շարունակելու»
Եւրոպական խորհրդարանի Հարաւային Կովկասի հետ կապերու պատուիրակութեան նախագահ Մարինա Քալիուրանտ «Էքս»-ի վրայ հրապարակած է իր, Եւրոպական խորհրդարանի Հայաստանի հարցերով մնայուն զեկուցող Անտրէյ Քովաչեւի եւ Զելիանա Զովքոյի միացեալ յայտարարութիւնը, որուն մէջ անոնք ողջունած են Հայաստանի եւ Ազրպէյճանի միացեալ յայտարարութիւնը.
«Միացեալ յայտարարութիւնը նշանակալի քայլ է վստահութեան ձեւաւորման գործին մէջ, որ անհրաժեշտ է համապարփակ խաղաղութեան համաձայնագիրի կնքման համար:
«Մենք երկու երկիրներուն կոչ կ՛ուղղենք ամբողջովին աջակցելու Եւրոպական խորհուրդի եւ Եւրոպական Միութեան նախագահներու ջանքերուն` դիւրացնելու խաղաղ հոլովոյթը` գերիշխանութեան, սահմաններու անձեռնմխելիութեան, տարածքային ամբողջականութեան փոխադարձ ճանաչման եւ ուժի չկիրարկելու հիման վրայ», գրուած է միացեալ յայտարարութեան մէջ:
Աղբիւրը` Ազդակ
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
