Սալիվըն. «Միջազգային Ընտանիքը նոր ժամանակաշրջան մուտք գործեց»
Միացեալ Նահանգներու Ազգային անվտանգութեան խորհրդատու Ճէյք Սալիվըն նշեց. «Միջազգային ընտանիքը մուտք գործեց նոր ժամանակաշրջան, ուր համաշխարհային համակարգի ճշդման ղեկավարման ու իրաւունքին շուրջ բուռն մրցակցութիւն յառաջացաւ»:
Ան Տաւոսի խորհրդաժողովի ընթացքին իր արտասանած խօսքին մէջ խոստացաւ. «Միացեալ Նահանգները, ի տարբերութիւն 1930-ական թուականներուն, ինքնամեկուսացումի մէջ մուտք պիտի չգործեն, եւ պիտի երաշխաւորեն, որ պատմութիւնը ինքզինք չկրկնէ»:
«Այսօր կ՛ապրինք նոր ժամանակաշրջանի մը առաջին տարիները: Մեծ տէրութիւնները Պաղ պատերազմի ատենուան որեւէ պահէն աւելի իրարու կապուած են: Սակայն նաեւ բուռն մրցակցութեան մէջ ենք, թէ ինչպիսի՛ աշխարհ կ՛ուզենք կառուցել», ըսաւ ան:
«Մենք խորապէս կը հաւատանք, որ անցեալը երբեք պիտի չկրկնենք: Մէկ ժամանակաշրջանէն միւսը անցումը իրեն հետ պատասխանատուութիւն եւ աւելի իմաստուն ընտրանքի առիթ կը բերէ», աւելցուց Սալիվըն:
Աղբիւրը` Ազդակ
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
