Զէքիեան Գերապայծառին այցը՝ Յունաց Պատրիարքին
Պոլսոյ մէջ Հայ Կաթողիկէ համայնքի վիճակաւոր՝ Արհի. Տ. Լեւոն արք. Զէքիեան կը շարունակէ իր խնամատար առաքելութիւնը։ Օրերս տօնական առիթներուն համար Գերապայծառը այցելութիւն տուած է Յունաց Տիեզերական Պատրիարքին։
Զէքիեան Գերապայծառին այցը՝ Յունաց Պատրիարքին
Հինգշաբթի, 4 Յունուարին, առաւօտեան 11։30-ին Արհի. Տ. Լեւոն Արք. Զէքիեան այցելեց Ն. Ս. Բարթուղիմէոս Ա. Յունաց Պատրիարքը, Ֆէնէրի Պատրիարքարանին մէջ ընկերակցութեամբ Գերյ. Հ. Վարդան Ծ. Վրդ. Գազանճեանի, Արժ. Տ. Յակոբ Աւագ Սրկ. Մինասեանի եւ Իտալիայէն ժամանած հիւր դատաւորներու՝ Լորէտանա Նացիգոնէի եւ Մաուրա Քաբրիօլիի։
Ն. Ս. Պատրիարքը Գերապայծառ Տիրոջ նուիրեց Էնկոլփիոն Փանակիա մը անոր 80 ամեակին առթիւ։ Հանդիպումին ներկայ էր նաեւ Արհի. Տ. Փայիսիոս Քոքքինաքի եպիսկոպոսը։
Աղբիւրը՝ Արեւելք
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
13/01/2024, 08:40
