Քննարկուած է Հայաստանի եւ Իրանի միջեւ՝ Արաքս գետի վրայ երկրորդ կամուրջի կառուցման հարցը
Հայաստանի եւ Իրանի միջեւ՝ Արաքս գետի վրայ, 2-րդ կամուրջ կառուցելու հարցով աշխատանքային խումբ պիտի ստեղծուի։ Ինչպէս յայտնած է «Ճանապարհային բաժանմունք» հիմնադրամը, կամուրջի կառուցման թեման պիտի քննարկուի Իրանի ճանապարհներու եւ քաղաքաշինութեան նախարարութեան պաշտօնեաներու հետ։
Քննարկման մասնակցած են «Ճանապարհային բաժանմունք» հիմնադրամի գործադիր տնօրէն Գոռ Աւետիսեանը, փոխտնօրէն Կարէն Բադալեանը‚ հիմնադրամի այլ ներկայացուցիչներ։
«Հաշուի առնելով ՀՀ-ԻԻՀ սահմանը հատող մեքենաների թուի աճը, ինչպէս նաեւ Ագարակ-Քաջարան ճանապարհահատուածի կառուցման եւ արդիականացման արդիւնքում ուղեւորափոխադրումների ու բեռնափոխադրումների կանխատեսուող աճի արագ տեմպերը՝ առաջացել է Հայաստանի եւ Իրանի միջեւ երկրորդ կամրջի կառուցման անհրաժեշտութիւն։ Հայաստանի եւ Իրանի ներկայացուցիչները հանդիպման ընթացքում քննարկել են կամրջի կառուցման ծրագիրը մշակելու նպատակով աշխատանքային խումբ ստեղծելու հարցը»,– ըսուած է հաղորդագրութեան մէջ։
Հայկական կողմն ուղարկած է հայ մասնագէտներու առաջարկուող ցանկը՝ աշխատանքային խումբին մէջ ներգրաւելու համար։
Ստեղծուելիք աշխատանքային խումբը պիտի քննարկէ եւ մշակէ կամուրջի կառուցման գաղափարը։
Նշենք, որ Հայաստանի եւ Իրանի միջեւ գործող կամուրջը կառուցուած է 1995 թուականին։
Աղբիւրը՝ Արեւելք
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
