Պորել. «Այն, ինչ որ Կազայի մէջ կը պատահի, կարելի չէ ընդունիլ»
Եւրոպական Միութեան արտաքին քաղաքականութեան բարձրագոյն յանձնակատար Ճոզեփ Պորել յայտնեց. «Այն, ինչ որ Կազայի մէջ տեղի կ՛ունենայ, կարելի չէ ընդունիլ, եւ կը զօրակցինք Միջազգային արդարադատութեան դատարանի որոշումի գործադրութեան»:
«Ներկայիս Իսրայէլի հետ գործակցութիւնը ներկայ կացութեան լոյսին տակ չենք կրնար բնական կերպով շարունակել», յայտարարեց Պորել:
«Իսրայէլ կրնայ պատմութիւնը իր ուզած ձեւով մեկնաբանել, սակայն միջազգային օրէնքի յարգումը պարտաւորիչ է, եւ Եւրոպական Միութեան մէջ պիտի դիտարկենք զայն գործադրելու կարելիութիւնը», ըսաւ Եւրոպական յանձնաժողովի յանձնակատարը:
Ան յայտնեց, որ Կազայի աւերակներուն վերացումը 10 տարի պիտի տեւէ:
Աղբիւրը` Ազդակ
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
