Միացեալ Նահանգներու դեսպանը Եւրոպական Միութեան դէտերուն հետ դիտարկած է Ազրպէյճանի հետ սահմանին վրայ տիրող կացութիւնը

Հայաստանի մէջ Միացեալ Նահանգներու դեսպան Քրիսթինա Քվին Եւրոպական Միութեան քաղաքացիական առաքելութեան հետ դիտարկած է Ազրպէյճանի հետ սահմանին վրայ տիրող կացութիւնը: Այս մասին կը նշուի Հայաստանի Հանրապետութեան մէջ Միացեալ Նահանգներու դեսպանատան դիմատետրեան էջին վրայ հրապարակուած հաղորդագրութեան մէջ:

«Դեսպան Քվինը Եւրոպական Միութեան քաղաքացիական առաքելութեան հետ դիտարկեց սահմանին վրայ տիրող կացութիւնը: Միացեալ Նահանգներ կ՛ողջունեն տեւական եւ արժանապատիւ խաղաղութեան հաստատման ուղղութեամբ Հայաստանի եւ Ազրպէյճանի արձանագրած յառաջընթացը», նշուած է հաղորդագրութեան մէջ:

Աղբիւրը՝ Ազդակ