Պոլսոյ մէջ ձայնասփիւռի կայան մը պատժուեցաւ՝ Հայոց Ցեղասպանութիւն բառերը գործածելուն դամար
Թուրքիոյ զանգուածային լրատուամիջոցները կարգաւորող գերատեսչութիւնը պատիժ մը սահմանեց Պոլսոյ մէջ գործող Acik Radyo ձայնասփիւռի կայանին նկատմամբ, երբ այդ լրատուամիջոցի եթերէն հիւրը խօսեցաւ Հայոց Ցեղասպանութեան մասին` գործածելով «ցեղասպանութիւն» եզրը, զոր կը մերժէ պաշտօնական Թուրքիա։
Ըստ «Ֆրանս Փրես» լրատու գործակալութեան՝ Թուրքիոյ ձայնասփիւռի եւ հեռատեսիլի ոլորտը վերահսկող RTUK-ը մասնաւորապէս հինգ օրով զրկեց Acik Radyo-ի հեռարձակումը` խնդրոյ առարկայ յայտարարութիւնը որակելով «ատելութեան հրահրում»:
Թուրքիոյ լրագրողներու միութիւնը յայտարարեց, որ RTUK-ի որոշումը հարուած է խօսքի ազատութեան: «RTUK-ը պէտք է ըլլայ անկախ կառոյց եւ պէտք է անյապաղ չեղարկէ այս որոշումը», «Էքս»ի վրայ հրապարակած յայտարարութեան մէջ կը պնդէ լրագրողներու միութիւնը:
Աղբիւրը` Ասպարէզ
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
