Այսօր Փարիզի մէջ ընթացք պիտի առնեն ողիմպիական 33-րդ խաղերը
Ֆրանսայի մայրաքաղաքը երրորդ անգամ կը հիւրընկալէ ամառնային ողիմպիական խաղերը: Մրցումներու կայացման համար ներգրաւուած է 35 մարզական կառոյց, պիտի խաղարկուի 329 մրցանակ՝ 32 մարզաձեւի համար:
Այսօր Փարիզի մէջ պիտի մեկնարկեն ամառնային 33-րդ ողիմպիական խաղերը, որոնք պիտի տեւեն մինչեւ օգոստոս 11-ը։
Խաղերուն պիտի մասնակցի աւելի քան 10 հազար մարզիկ՝ 206 ազգային հաւաքականէ, ինչպէս նաեւ չէզոք կարգավիճակով մարզիկներ Ռուսիայէն եւ Պելառուսիայէն:
Ֆրանսայի մայրաքաղաքը երրորդ անգամ կը հիւրընկալէ ամառնային ողիմպիական խաղերը: Մրցումներու կայացման համար ներգրաւուած է 35 մարզական կառոյց, պիտի խաղարկուի 329 մրցանակ՝ 32 մարզաձեւի համար:
Փարիզի ողիմպիական խաղերն արդէն մրցանիշ սահմանած են. վաճառուած է 8,6 միլիոն տոմս, որ ամենաբարձր ցուցանիշն է ողիմպիական խաղերու ողջ պատմութեան ընթացքին:
Աղբիւրը՝ Արեւելք
Շնորհակալութիւն յօդուածը ընթերցելուն համար։ Եթէ կը փափաքիս թարմ լուրեր ստանալ կը հրաւիրենք բաժանորդագրուիլ մեր լրաթերթին` սեղմելով այստեղ
26/07/2024, 13:44
