Կ․Պոլսոյ մէջ Կոմիտասին նուիրուած համերգին կատարումներով հանդէս պիտի գայ նաեւ Կոմիտասի ազգականը

Վաղը՝ Հոկտեմբեր 26-ին, Կ․Պոլսոյ մէջ գործող «Լուսաւորիչ» երգչախումբը Պէյօղլուի (պատմական Բերա թաղամասը) Երեք խորան հայկական եկեղեցւոյ մէջ հանդէս պիտի գայ Կոմիտասի ստեղծագործութիւններու կատարումով։ Համերգը նուիրուած է հանճարեղ երգահանի ծննդեան 155-րդ ամեակին։ Համերգին պիտի մասնակցի նաեւ Կոմիտաս Վարդապետի չորրորդ աստիճանի ազգական Թամար Իսքենեանը։ Այս մասին կը յայտնէ Akunq.net-ը՝ վկայակոչելով «Ակօս» շաբաթաթերթի կայքէջով հրապարակուած լուրը։

Աղբիւրին համաձայն՝ Կոմիտասի ազգական Թամար Իսքենեանը ծնած է Լիբանան եւ փոքր հասակին տեղափոխուած է Զուիցերիա։ Թէ՛ Թամարը եւ թէ՛ անոր երկու կրտսեր եղբայրները երաժիշտներ են։

Թամար Իսքենեանը համերգի ժամանակ պիտի նուագէ շուի եւ սրինգ, ինչպէս նաեւ՝ որոշ ստեղծագործութիւններ պիտի երգէ։ Համերգին պիտի մասնակցին նաեւ դաշնակահար Ռոպեր Տողանայը եւ թմբկահար Սեւան Կարապետեանը։

Աղբյուրը՝ Akunq.net

Թարգմանեց Մելինէ Անումեան

Արեւմտահայերէնի վերածեց՝ ԵՌԱԳՈՅՆը