Քեսապի Հոգեւոր Հայրերուն կոչը` Քեսապահայութեան

Շաբաթ օր Քեսապի հայ երեք համայնքներու հոգեւոր հայրերը հետեւեալ կոչը ուղղեցին քեսապահայութեան.

«Սիրելի՛ քեսապցիներ,

Մենք` Քեսապի երեք հոգեւոր հայրերս, կոչ կ՛ուղղենք ձեզի, երկրի ներկայ ծանօթ ճգնաժամային պայմաններուն մէջ, որ իրարու թեւ ու թիկունք ըլլաք, մնաք սառնասիրտ եւ արթնամիտ, միասնաբար յաղթահարելու համար գալիք դժուարութիւնները: Պատրաստ ըլլաք ամէն հաւանականութեան` ձեր կարեւոր փաստաթուղթերը եւ արժէք ներկայացնող իրերը պատրաստ ունենալով:

Աստուած խնայէ ու պահէ բոլորս: Թող մեր Տէր Յիսուս Քրիստոսի խաղաղութիւնը, որ ամէն միտքէ վեր է եւ անոր առաջնորդութիւնը մեր բոլորին հետ ըլլան: Ամէն»:

Աղբիւրը` Ազդակ