ನಿಕರಾಗುವಾದಲ್ಲಿ ಇಬ್ಬರು ಶ್ರೇಷ್ಟಗುರುಗಳನ್ನು ಬಂಧಿಸಿರುವ ಅಧಿಕಾರಿಗಳು

ವರದಿ: ವ್ಯಾಟಿಕನ್ ನ್ಯೂಸ್

ನಿಕರಾಗುವ ದೇಶದಲ್ಲಿ ಮಟಗಲ್ಪಾ ಎಂಬ ಧರ್ಮಕ್ಷೇತ್ರದ ಇಬ್ಬರು ಶ್ರೇಷ್ಟಗುರುಗಳನ್ನು ಅಲ್ಲಿನ ಅಧಿಕಾರಿಗಳು ಬಂಧಿಸಿರುವುದು ವರದಿಯಾಗಿದೆ. ಆದರೆ ಅವರನ್ನು ಯಾವ ಕಾರಣಕ್ಕೆ ಬಂಧಿಸಲಾಗಿದೆ ಎಂಬುದು ಈವರೆಗೂ ತಿಳಿದಿಲ್ಲ. ಆದರೆ, ಇನ್ನಷ್ಟು ಹೆಚ್ಚಿನ ಗುರುಗಳನ್ನು ಬಂಧಿಸುವ ಸಾಧ್ಯತೆಗಳಿವೆ ಎಂಬುದು ತಿಳಿದು ಬಂದಿದೆ.

ಇವರನ್ನು ಯಾವ ಕಾರಣಕ್ಕೆ ಬಂಧಿಸಲಾಗಿದೆ ಹಾಗೂ ಅವರನ್ನು ಯಾವ ಸ್ಥಳದಲ್ಲಿ ಇರಿಸಲಾಗಿದೆ ಎಂಬುದರ ಕುರಿತು ಯಾವುದೇ ಮಾಹಿತಿ ಲಭ್ಯವಿರುವುದಿಲ್ಲ.

ಇದೇ ಧರ್ಮಕ್ಷೇತ್ರದ ಧರ್ಮಾಧ್ಯಕ್ಷ ಬಿಷಪ್ ರೊಲಾಂಡೋ ಅಲ್ವಾರೆಝ್ ಅವರನ್ನು ಕಳೆದ ವರ್ಷ ಡಿಸೆಂಬರ್ ತಿಂಗಳಲ್ಲಿ ಬಂಧಿಸಲಾಗಿತ್ತು ಹಾಗೂ ನಂತರದ ತಿಂಗಳು ಜನರಿಯಲ್ಲಿ ಅವರನ್ನು ಗಡಿಪಾರು ಮಾಡಲಾಗಿತ್ತು.