Mpox na Congo/ Kinshasa: baye babéli baleki 5000 mpe 700 bawei

Liyebisi mpo ya bopanzi nsango ya mokolo ya zomi na ibale ya sanza ya libwa ya lisanga ya ONU eye etali makambo ya bana (UNICEF), Congo/Kinshasa akomisi bato 21000 bazwami na bokono mpox. Kati na bango, koleka 5000 bazali solo na bokono, mpe 700 bakufi. Mpo na likambo ena ya mpasi, UNICEF azali kosala makasi mpo na kobatela bana na bokono ya Mpox na Congo/Kinshasa, na ndenge azwi mokano oyo ezali kotala liboso mpenza bana na nsé ya mbula zomi na mitano (15) na ba provinces zomi na ibale (12).

Albys KBD - O mboka Kinshasa/RDC

Epidemia ya mpox azali kopanzana na lolenge moko ya nsomo na Congo/kinshasa. “Kobanda mobu moye kino mokolo mwa tuku isato na moko (31) ya sanza ya mwambi 2024, Congo/Kinshasa akomisi bato ; 21000 bamonani lokola bazwi bokono, na kati na bango, koleka 5000 bazali solo na bokono, mpe 700 bakufi, ndenge liyebisi ya UNUCEF ekomi o mokolo mwa mineyi ya zomi na mibale ya sanza ya libwa. Na yango lingomba ena ya ONU elingi kolendisa “lisungi na ye na mbulamatari po ya kobatela mpe kobikisa bomoyi ya bana baye bakokisi nayino mbula 15 (mibu zomi na itano) te baye bazali 60% ya bato bamonani lokola bazali na bokono mpe 80% ya baye bakufi mbula eye, ndenge liyebisi elobi.

“UNICEF azwaki nkisi ya mangwele ya yambo mpo na kobikisa na bokono ya Mpox, azwi bongo 215000 doses na nyoso lolenge liyebisi ya lisanga ena ekomi.”

Virisi Mpox, likambo ya mpasi koleka ya bokolongono bwa nzoto

Lisanga lya ONU liye litali likambo ya bokolongono bwa nzoto (OMS) elobaki ete mpox ezali likambo lya ntina ya bokolongono bwa nzoto etali mokili mobimba. Ezali mbala ya mibale sima ya mobu 2022, OMS asengelaki kosala mbela na ye ya makasi mpo na kosilisa virisi mpox.

Lisalisi lya yo mpo ya etinda enene:salisa biso mpo ya bopalinginyi liloba lya Papa bipai binso.

27 September 2024, 10:32

Mpox na Congo/ Kinshasa: baye babéli baleki 5000 mpe 700 bawei

Virisi Mpox, likambo ya mpasi koleka ya bokolongono bwa nzoto

Makambo mayike mazali koya: