Bofungoli likita ya Sinodi: Mosantu Papa abiangi mpo ya kosambela mpe kokila (komipima) mpo ya boboto, o mokolo mwa sambo (7) ya sanza ya zomi ya mobu moye
Albys KBD c.p – o Mboka Kinshasa/RDC
Synodi etikali se bongo nzela epai wapi “Mokonzi akotiya o maboko mya biso lisapo, bandoto mpe ba elikya ya lingomba linene lya bato”, mpo ete elongo na yango mpe mpo na bandeko baye basi mpe babali bapalangani o mokili mobimba, na lisalisi ya boyambi se moko mpe na mposa ya kibosantu Tozali koluka koyeba nzela nini tokotambola mpo ya kokoma bisika alingi komema biso: ezali nde bongo maloba mwa mosantu papa alobaki lisukulu ya ye, na tongo ya mokolo wa lelo, na tango ya missa ya bofungoli ya makita ya mibale ya lisanga ya ba Episkopi na maye matali bosangani. Mosantu papa azongelaki koloba lisusu ete, likita lya bango ezali lokola lisanga ya bulamatari ta kasi nde etuka ya boyokani na lisanga.
Bopimi mpe nsambo mpo ya Boboto
O nzela ekomeme na mboka maponomi, nzambe apesaki mitindo na bato mpo batosa maloba manzelu atindelaki bango (cf. Ex 23, 20-22). “Ezali elembo ya bomoyi bwa biso lelo” elobi Papa François. Ya akokende na basilika ya Sainte Marie Majeur mokolo mwa lomingo mokolo ya motoba ya sanza ya zomi mpo ya kosambela na ntina te boboto bozala, atomboli mpe mabondeli ma yé mpo na bitumba nà bokéseni ezali kotungisa mokili moye. O kati ma misa mana, asengi mpe na bandimi banso ba sambela mpe ba mipima o mokolo molandi, mokolo ya sambo ya sanza ya zomi, mpo ya boboto na bikolo binso.
Koyeba komaniola, na lisalisi ya Elimo Santu
Mpo ya koyoka monoko mwa anzelu, esengeli kopusana na limemya mpe ekenge na losambo. Na nguya ya liloba lya nzambe, nà makabo ma motoki ba kongoli o mibu misato miye mileki ya mosala na bozindo mpeza, kokabola liloba, bokasi ya kopetolama ya motema mpe molimo. Mosantu papa alimboli malamu ete, ezali nde na lisalisi ya Elimo Santo moto akoki koyoka mpe komaniola “mingongo”, elakisi ete makanisi, bosenga, ba ndakisa mpo ya kososola elongo lolaka la nzambe o kati ya Eklezya. Mpo ya bolongi lya likita lina, Papa François asengi na basàngani batiya mopanzi maye manso ekoki kopekisa “bondeko na molimo”, kokela boyokani bisika ya bokeseni bwa bato.
Kotonga elongo, na lolenge ya mwanza mwa nzambe
Mosantu Papa asengi bango mpe lisusu nakoyamba likanisi lya baninga na botondi mpe bomikitisa, mpo ya kozala elilingi ya manso nzambe apesi na litoma ya bandeko, na kokonza te kasi mpo ya kobonza yango lokola likabo, pene ya komibonza lokola mbeka, mpo na kotika pembeni moyimi. Noki te moto na moto akoki komikangema na makanisi lya ye kozanga koyoka moninga, to mpe kozanga koyoka nzambe oyo azali eyano na makambo manso.
Nakomikitisa, nzambe akolakisa biso oyo ezali monene ya solo
Synode elakisi mpe kozala monene na molimo , na motema, na emoniseli; mpo te makambo ya kotala ezali minene mpe ya mpasi. Na yango mosantu papa a pesi likanisi na baye basanganaki na likita lina te, batikate kibolenge oyo nzambe atiya kati na biso, mpo elobela biso lisusu te, komikitisa ezali nde nzela oyo ekokotisa biso na bolongi misala ba pesi biso, mpe koyamba baninga ndenge bazali.
Na bosukusi,mosantu Papa alobi ete, ezali nde na komikitisa te, mokonzi nzambe akolakisa yo bonene bwa solo mpe bonzambe bwa ye. Na yango ezali mpo na mpamba te ete, yezu alobaki, banzelu ya bana bake bamonaka tango inso elongi ya tata way e oyo azali o likolo (Mt 18, 10). Bazali lokola telescope ya bolingi bwa tata.
Botondi na ndenge otango mokanda eye. Soki olingi ozala natango inso na basango, mikomisa na mokanda na biso ya sango na esika eye
