Burkina Faso : Pàpa akόmisi Mgr Dabiré Episkopo Monene ya Mboka Bobo-Dioulasso
Bansango ya Vatican.
O mokolo mwa mosala misato, mokolo mwa zomi na mwambé ya sanza ya zomi na ibale eye, Mosantu Pàpa akόmisaki Mgr Laurent Birfuoré Dabiré, Episkopo Monene ya mboka Bobo-Dioulasso. Yé nde mokitani ya Mgr Paul Yembuado Ouédraogo, oyo, akambaki na botuya na eleko ya mpasi ya mobù nkoto ibale na zomi na ineyi kino nkoto ibale na zomi na itano (2014-2015) na ekolo Burkina Faso, mpo ya bozongi ya kimya mpe boboto kati na ekolo.
Mgr Birfuoré Dabiré abotamaki mukolo mwa zomi na sanmbo (17) ya mobù nkoto yoko na nkama libwà na tuku motoba na mitano (1965) na mboka Dissin, na kati ya dioseze ya Diébougou. Akulaki bonganga o mokolo mwa tuku mibale na libwà (29) ya sanza ya zomi na ibale ya mobù nkoto yoko na nkama libwà na tuku libwà na itano (1995), bongo ayaki kokotisama na dioseze ya Diébougou. Mokambi ya lisanga ya ba Episkopo ya Burkina-Niger ya sika azalaki monzeneneke ya ndaye basilaki kolapa kati na ekolo ya yé nà libonga-lisantu (Saint-Siège) o mokolo mwa zomi na ibale ya sanza ya yuli o mobù nkoto ibale na zomi na libwà (2019).
A mipesaka mpo ya bozongi ya kimya o mboka Burkina, Mgr Dabiré abetaka nsete mingi mingi na bolendisi bwa yé mpo ya kozala elongo mpe kozala na molimo ya kokanga motema mpo ya baninga.
Azalaki molakisi na petit séminaire Saint-Tarcisius ya Diébougou na mibu (1996-1998); dokotolo na makambo ya « utroque iure » na mboka Roma na mibù (1998-2005); Zuzi molandi (Molandi Mokengeli ya kosambisa) mpe chancelier (uto 2005) ; mosali ya bazuzi ya eklezya ya etukà ya Bobo Dioulasso (uto 2006); molakisi na grand séminaire Saint-Jean-Baptiste na mibù (2007-2008); molakisi ya droit na eteyelo ya Bamako, Mali (uto 2011).
Botondi na ndenge otangi mokanda eye. Soki olingi kozwa basango tango inso, mikomisa na manaka na biso ya basango nakofina awa.
