Na Rabat, bakatoliko bazali komilengele mpo ya kokoto o mobù ya Jubilé
Albys KBD cp – Congo/Kinshasa
Mpo ya mobù ya Jubilé, ngonga ebeti mpe na Maroc, na diosezi monene ya Rabat, mboka mokonzi ya bokonzi ena. Na lomingo la tuku ibale na libwa (29), Tata episkopo monene ya engumba ena, tata wa likumu Cristóbal López Romero, afungolaki Jubilé ya elikya na polele mpenza mpo ya bakristu nà balekinzela ya boyambi bazwamaki na libaku ya elembo ya bofungoli Ekuke Esantu (ekotelo esanto, ezibelo esantu) moko. “Tozwi ntango ya kobongisa yango, elatami na langi ya mayi ya pondu (vert). Episkopo monene azalaki oboso bwa lopango, bongo bayambaki bato banso”, elimboli Sango Daniel Nourissat, Sango Mokonzi ya Katedra ut’o mobù nkoto ibale na zomi na mwambé (2018).
Na tango ya misa , batangaki eteni ya mokanda Spes non confondit, manaka ya Jubilé ya Pàpa Franswa ya mokolo ya libwà (9) ya sanza ya mayi(mai) moleki, Tata episkopo wa lokumù Lopez, elongo na batindami ya parwase ya Rabat, batiaki myango pembeni ya esika babatisaka o kati ya katedral, mp ona kotiela yango baminda mongengisa yango zambi ekozala esika wapi bandimi ba kokoma mpe kotika bansambo ya bango mp ona Jubile oyo ya elikya.
Mobù moko ya jubilé na molimo ya Eklezya oyo « ezali na bobimi»
« Elikya, ezali nzela ya bato ebele bakoyà wana, baye bawuti mikili misusu na motuya ya lolenge moko to mosusu », elobi sango Nourisat, nganganzambe ya fidei donum ya diosezi ya Dijon, avando na Maroc ut’o bambula zomi na libwa (19 ans), mpe azali sango mokonzi ya katedral ut’o mobù nkoto ibame na zomi na mwambé (2018). Ezalaki mpe na mabota y abato ya mikili ya poto, ba yekoli ya eteyelo ya “institut œcuménique Al Mowafaqa”, gbagba moko ya solosolo ekosangisa lingomba ya katoliko nà oyo ya islam na ekolo ya Maroc. Ezalaki mpe na bawutà ya bamboka ya Afrika misusu, nà ba migrant ndé basali moziki monene ya katoliko na mboka ena.
Sango Nourisat akobi na koloba ete :« mpo na eklezya ya bango, elikya ya mobù moye ya jubilé ekobaluka zongazonga ya biloko mibale lolenge episkopo monene asengaki bango». “Ya yambo, koluka kobilisa (kobakisa) ba masanga ya baeklezya ya ekànga (CEBà ) mpo ya kokolisa bozalani penepene kati n abato, mpo bayekola lolenge ya koyebana mpe kolingana o kati ya ekànga (kartié) bavandi, na mpe kokolisa masolo kati na bizaleli ya bikolo misusu mpe mangomba ya boyambi mosusu”. Esika moko ekokani na elongi ya kamwa eklezya oyo ya ekolo ya Maroc “ya bobimi”, oyo eloko Pàpa Franswa akumisaki na tango ya mobembo mwa yé na Rabat na mobù nkoto ibale na zomi na libwà (2019).
Nzokandé ezali mpo na mobembo ya bokitani bwa bantomà ya Pàpa Franswa na bokonzi ya chérifien nde ekomami jubilé eye, elobi Sango mokonzi; ye asalaki kala jubilé ya Motema ngolù (Misericorde) ya mobù nkoto ibale na zomi na motoba (2016) lokola ngrasya.
«Mobù moye ya Jubilé esimbi ngai mpe epesi ngai limeseno ya kosala bansambo na Ukaristia, ya kobongola liloba “bokasi bonso” na “ngolu”» elobi Sango Nourissat. Elongo na Jubilé oyo ya sika, bilaka bya sika ya kokola efungwami mpo ya lingomba ya Katoliko ya Rabat, evanda kaka o kati ya lingomba ya Marok ezali na motema molayi. “Na kamwaki koyoka mwa mikolo eleki, muto moko ya mbulamatari ya Marok apesi ngai Mbotamà elamu (Noele elamu)”, lolenge sango mokonzi ya rabat abetaki lisolo. Ezali elembo ete: « limemya mpe kolingana elongo ngayi nà yo mpe yo nà ngayi. Yango ndé elikya ya ngai».
Matondi na ndenge otangi mokanda eye. Soki olingi kozwa basango tango inso, mikomisa na manaka na biso ya basango na kofina awa
