RDC: CJP Katanga esepeli na mokano ya bazuzi mpo na likambo ya kolimwa ya Seminariste.

Albys KBD cp – Kinshasa/RDC

Likambo lyango ebandaki o mokolo mwa zomi na mwambé (18) ya sanza ya novembre ewuti koleka, tango ba militaire bazwaki mitindo ya colonel Mwangala mpe bakotaki na grand seminaire Saint-Paul na Lubumbashi. Basoda wana balimwisaki John Tchipoya, bamemaki ye na zone ya defense ya mibale. Kasi babikisaki ye kaka na mpokwa ya mokolo mona. Ezalela ena, Episkopo Monene ya Lubumbashi mpe mokambi ya lisanga ya ba episkopo ya ekolo Congo, (Cenco), Mgr Fulgence Muteba abiangi yango matumboli mpe bobangisi, yango mpe etumboli koyima makasi ya bato.  

Commission ya Justice et Paix etangi bosembo na bozuzi bina

Commission ya Justice et Paix/Katanga elobi été elandelaki malamu mpenza kosambisa wana ya bosembo na maye matali kobungisama ya seminariste wana, moyekoli na 2ème na Propédeutique ya Grand Séminaire interdiocésain ya Saint Paul ya Lubumbashi/Thamalale. Yambo elakisi esengo ya yé mpo na botosi na mitinda ya kosambisa ya bosembo, mpe lisusu akumisi Cour Militaire ya Katanga na ndenge alobaki bosolo. Commission Provinciale Justice et Paix/Katanga endimi mpenza, ata soki colonel Ange-Felix Mangwala Mpunga nà ba complices na yé, bazali na ndingisa ya kobwaka mbela (ya kokotisa recours) na ndelo ya ngonga etyami, mpo été kosambisama wana ezali bobele elembo makasi mpo ya kozala ndakisa na baye banso bakomeka koyiba mpe kozwa lopango ya Tshamalale na ndenge esengeli te na mibeko, na mpe bamapango misusu ya Eklezya katoliko ya Katanga na Lubumbashi.  

Eklezya esengi bazongisela yé lotomo la mabele lya yé

Nzokandé Commission Provinciale Justice et Paix/Katanga etikali na komitungisama mpo na ekateli ya likambo lina, mpo ezali na makambo misusu Cours et Tribunaux bakataki mp ona bolamu bwa eklezya Katoliko ya Katanga, kasi kosalela yango ezwaki mokakatano, kino kutu kosaboté yango na ba konzi mpe bato basusu banene kati na lisangà y abato (societe). Esengeli kosalela noki mikano ya bazuzi, mp ona kozongisa eklezya ya Katanga kati na lotomo ya mabele ya yéna lopango ya Tshamalale, yango elakisi ete, babuka bandako banso etongisamaki kati na lopango ya Grand Seminaire

 Kasi Commission etikali na ekenge mpo na bokobi bwa likambo lina, mpe andimi kotambola lisanga (kosala elongo) mpo na busukisi malamo. Na kolendisa Justice mpo na kotombola ekolo ya Congo, andimi elako ya yé yakotelemela «ezalela nyonso yakobosana bato mpe yakosepela na ekateli likambo na bolamu ya Eklezya Katoliko ya Katanga, to lisusu ezalela ya komeka kobangisa yé na mabele mayé to ya moto akosalelaka eklezya».

Botondi na ndenge otangi mokanda eye. Soki olingi kozwa basango tango inso, mikomisa na manaka na biso ya basango nakofina awa.