Angelus : koyeba yezu, ezali kotika ye abongola yo

Stanislas Kambashi, S J - O Mboka Vatican

Mosantu Mapa amoni ete, eyano ya Petelo na motuna mwa Yezu ebimisi bokabwani. Epayi moko, Simoni a yanoli malamu na nkombo ya lisanga ete Yesu azali Kristu. Kasi, tango kristu wana alobi makambo ya minyoko, atelemeli yango, mpamba te sima ya maloba wana ebombami lolenge ya bokanisi bwa bato. Ezali lolenge lya likanisi ya komono Messia lokola moto ya makasi mpe molongi, oyo akoki koyoka mpasi te, mpe akoki kokufa te. Soki moyekoli ena ayanoli na maloba sembo, ndenge ya ye ya kokanisa ebongwani nayino te. Papa François amoni ‘ete, esengeli na ye kobongwama mpe kondimela Yezu.

Koyeba mokonzi ezali kokoto na boyokani na ye.

Na botali ezaleli ya apostolu Petelo, biso mpe tokoki komituna na motuna ena, nini koyeba Yesu elingi koloba ya solo. Papa François atalisi ete, lolenge mibale yakokanisa oyo esengeli kondimela Yesu, ezali nsango moko ya motuya mpo ya biso. Toyebi malamu eyamba, mpe tozali koloba malaumu bisambo. Na motuna yesu azali nani mpo ya yo? Tokozongisa malamu na maye toyekolaki na malongi. Papa François atuni, kasi yango wana koloba koyeba yezu ? Solo, mpo na koyeba mokonzi esuki kaka na koyeba mwa likambo etali ye te, kasi ebongi kolanda ye, ebongi komitika ‘te nsango Elamu etuta mpe ebongola yo. Koyeba yezu, elingi koloba « kozala na boyokani na ye, bokutani moko oyo ebongoli bomoyi bwa yo ; ekobongola lolenge ya yo ya kozala, ya kokanisa, boyokani ozali na yango na bandeko bayo babali mpe basi, ebongiseli na yo yakoyamba mpe kolimbisa baninga, maponi ozali kosala nabomoyi. Nyoso makobongwama soki oyebiYezu na bosolo ! Ndenge François amoni.

Komituna: Oyo nani Yezu mpo na ngai?

Na ndakisa ya Bonhoeffer oyo azali moteyi mpe moyekoli ma mateya mya Luther na maye matali makambo ma nzambe, oyo bato ba Nazi babomaka, ye azalaki komituna mpo yakoyeba boklisto mpo ya biso ezali nini lelo, to mpe, Kristu azali nani? Papa françois asengi biso tosala lokola ye. Mosantu Papa alobi ezali mawa, mpo mingi bamitunaka lisusu motuna wana te, mpe bakotikala na kimia, tango mosusu mosika na nzambe. Nayango abeti nsete na koloba ete, ezali na ntina yakomituna : "ngai penza, namitikaka natungisama na mituna nani wana Yesu pona ngai mpe esika nini natiaka ye na bomoyi bwa ngai?" Papa François alendisi biso mpo ya kosenge lisalisi na Ngondo Mosantu Maria mpo na koyanola malamu.