Ntoma ya Papa ya liboso ya Burkina Faso, Mgr Kaboré akulaki bo Episkopo

Jean-Réné Bompolonga - O Mboka Kinshasa/RDC

Ba ndeko ebele ya Burkina Faso nà bikolo epayi wapi Episkopo Kaboré asalaki lokola moko ya basali ya ntoma ya Papa, ba komaki na Rome mpo na kozala na molulu ena. O kati ya bango, bana ba Burkina Faso baye bavandi na Roma nà mpe batindami ya ekolo Ghana, epayi wapi episkopo akozala ntoma ya Papa. Episkopo ya sika azalaki na esengo ya ko sangana nà libota lya ye mpe nà bato basusu bawuti Burkina Faso, na kati na bango batindami ya mbulamatari mpe na ntoma ya Burkina Faso na mboka Roma, Regis Kevin Bakyono.

Koteya bosembo mpe kimya kati ya bakambi ya bikolo.

Tika ete Burkina Faso ezwa lisusu kimya mpe bokengi

Na liloba na ye ya botondi, Episkopo Julien Kaboré asengi ‘ete mosala na ye pembeni ya ba ntoma ya Papa nà ntoma ye akomi ekoba kaka. Akanisi ekolo ya ye Burkina Faso oyo ezali konyokwama na misala ya batomboki ba mbula ebele. Episkopo asepeli na misala ya baye bazali koluka kimya mpe na baye bazwi likanisi yakosilisa misala mya batomboki. Alobaki losambo ya mikolo misato misalemaki mokolo mwa 12, 13 mpe 14 ya sanza ya libwa nà lisanga ya ba episkopo ya Burkina mpe Niger, mpo na kimia mpe mpo na bomoyi ya ba mboka mpe na bikolo na biso. Ba Episkopo ya bikolo mibale biye babelelaka na bakristu ya ba diocèse inso nà mpe bato ya kimya nà ya mposa ya kosala bolamu mpo na losambo nà boluki kimya. Mbala eye, batindamaki na mosala ena sima ya bobomi bato baye esalemaki na Boni o ekolo Niger mpe mikolo mileki na Barsalogho na diocèse ya Kaya mukolo mwa poso tuku mibale na inei moleki ya sanza ya mwambi moleki nà mpe lokola na Kounia na diocese ya Nouna, mokolo ya eyenga oyo elandaki. Bobomi ya bato na Barsalogho esali ba nkama ya bawei, ndenge bapanzi nsango bakomi.

Episkopo Kaboré asambelaki mpo ete kimia mpe bokengi bizonga o ekolo eye ezali ko nyokwama mingi mpenza.