Audience Générale: Nkotisa ezali sakramento ya kokolisama kati na Elimo Santo
Albys KBD cp, - na Kinshasa/RDC
Papa François azali kokoba na mosala mwa ye ya malongi na maye matali bikela bya Elimo Santu. O mokolo moye mwa misato na ntongo, abeti nsete mpo na sacramento ya nkotisa epayi wapi na botièli maboko elimboli kosolola na mpwasa mpe na lolenge ya kokamwa na Elimo Santu
Nkotisa, “elembo ya Kibokonzi” bwa Kristo
Mosantu papa abeti mwa eteni ya lisapo ya motuya ekomama o buku ya bikela bya Bapostolo o eteni ya mwambe, molongo mwa zomi na mineyi kino moye mwa zomi na sambo (Act 8, 14-17) “Eyokaki bapostolo baye batikalaki o mboka Yerùzalem, ete bato ba Samaria bayambaki liloba lya Nzambe, batindelaki bango Petro na Yoane”. Bango bato bazwaki kaka libatisi, “batièli bango maboko mpe bakuli Elimo Santu” (Act 8,17). Na sima François akundweli maloba ma mosantu Polo, o mokanda mwa yè mwa mibale ona bakristu ba Korinti, o eteni ya yambo, molongo mwa tuku mibale na moko kino moye mwa tuku mibale na mibale (2 Cor1.21-22): “Nzambe ye mei alendisi biso na bino o boyambi bwa Kristu oyo apakoli biso mafuta, atièli biso elembo mpe akòmi o mitema mya biso likabo ya Elimo Santu bo ndanga ya libiki”. Mokonzi Papa alimboli ete likambo ya Elimo Santu ezali lokola elembo ya kibokonzi oyo Kristo azali kotìèla ba mpata bya yé na sima ya liteya ya “elembo li kolimbolama te” oyo epesami na milulu mina.
Zongela kopelisa lolemo la moto
Na nkotisa mpe bopakoli mafuta, tozwaki biso mpe lokola, elobi santu Polo, likabo ya Elimo Santo; oyo Apostolo abengi “likabo lya liboso lya Elimo” (Rm 8,23). Tosengeli kosalela likabo lina, kosepela mpo na likabo lya liboso lina, to dindisa te o nsè ya mabele makabo tozwi, elobi Papa ya Argentine
Na bosukisi, Mosantu Papa abiangi bandimi bazongisa lolemo la mòto ya likabo la Nzambe, mpo ya kokoma lokola bamemi miinda o masano bya olympique, bamemi miinda bya Molimo, “eloko la motuya mpo na mobu eye ya julibilé”.
Botondi na ndenge otango mokanda eye. Soki olingi kozwa basango tango inso, mikomisa na manaka na biso ya basango nakofina esika eye
