Audience générale : Kolamuisa mayele ya botondi epayi ya bakoko

Jean-René Bompolonga- Kinshasa

Na audience générale ya suka liboso ya feti ya Mbotama, Papa François abongisi malongi na ye na eye etali « Nsango elamu ya bomwana » maye bizali koloba boyei ya Yezu mpe mbotama na ye na Maria. Soki santu Luka na Makomi masantu alimboli makambo “na botali ya Maria”, santu Mateo asali yango “na botali Josefu”, na bobeti nsete na “botata ena esalema nanu te”.

Bomoto ya ye moko

Na bobandi na Nsango Elamu ya santu Mateo, Santu Papa alimboli liboso mpenza, na ndako ya makita Polo ya motoba ya Vatican, ete “molongo ya bakoko ya Mokonzi esalemi na lisolo ya solo, epayi wapi lisumu ya mokonzi David elobami”. Kasi, “nionso esuki mpe ekoli na Maria mpe na Kristu (cf Mt 1,16)”. Na lolenge ena ebimi “bosolo ya bomoi ya bomoto eye eleki na génération moko kino mosusu na bolakisi biloko misato”, elobaki ye: “kombo eye ezali kosangisa bomoto mpe mosala se moko; kozala na libota moko mpe na bato bayebani; mpe na suka kokota na boyambi ya Nzambe ya Israele”.

Molongo ya bakoko

Lokola na ba “milongo ya bakoko ya Bondeko bwa kala te”, epayi wapi “kaka ba kombo ya mibali bibimaka, pamba tè na Israele ezali tata akopesa kombo na mwana na ye ya mobali, na liste ya Mateo”, elobaki Santu Papa, “Kati na bakoko ya Yezu, basi bakomonana”.

Ezali bongo Tamar, bokilo ya Juda, mwasi akufela mobali, mpe akomaki mwasi ya ndumba mpo na kozuela mobali na ye bakitani (cf. Gn 38); Racab,mwasi ya ndumba ya Jéricho oyo asungaka ba explorateurs ya bayuda kokota na mabele ya elaka mpe ya kobotola yango (cf. Jos 2); Ruth, mwana ya Moabite, atikala sembo na bokilo na ye na kobatelaka ye, mpe akokoma kokolo ya mokonzi David; Betshabée, oyo David asalaki na ye ekobo mpe, sima ya koboma mobali na ye, abotaki Salomon (cf. 2 Sam 11), mpe ya suka Maria ya Nazareth, mwasi ya Joseph, ya ndako ya David. Na ye Masiya abotami, Yezu, oyo “balakisi biso ye mwana ya sika, mwana mpe elenge, akotosa baboti na ye mpe, na eleko ena, ayebi komipesa mobimba na Nzambe mpe na Royaume na ye”.  

“Molongo ya bakoko ezali lolenge moko elongobani mpo na kolekisa liloba ya ntina: moto amipesaka bomoi te, kasi akozua yango na basusu lokola libonza; na ndenge ena, ezali peuple eponami, mpe na baye bazui botikeli boyambi ya ba tata na bango, na bopesi bomoi na bana na bango, na bopesi bango lisusu boyambi na Nzambe”  

“Yezu, mwana ya David, akangami na Josefu mpe atindami azala Masiya”

Mpo na François, Maria akotisi ebandeli ya sika pamba tè na lisapo na ye “azali lisusu moto akelami te eye azali na likambo ya génération, kasi Nzambe ye mei”, “Yango ekobima polele na “abotami”, lolenge alimbolaki. “Jacob aboti Josefu, mwasi ya Maria, epayi ya nani ebotamaki Yezu, oyo babengi Kristu (Mt 1,16) Yezu azali mwana ya David, akangamaki na Josefu na dynastie ena mpe atindama azala Masiya ya Israele”, kasi “azali lisusu mwana y’Abraham mpe ya basi ya bapaya, atindami azala ‘mwinda ya bikolo’” (cf Lk 2, 32) mpe “mobikisi ya mokili” (Jn 4, 42).

Na suka ya malongi na ye, Papa François alakisi ntina ya «kolamuisa kati na biso mayele ya botondi epayi ya bakoko”. Mpe mingi, abakisi, ya “kotondo Nzambe” oyo, na nzela” ya Mama ya Eklezia, abota biso na bomoi ya seko, bomoi ya Yezu, elikia na biso”.