Audience générale: Nsango Elamu esengeli koteyama na nzela ya Elimo Santo

Jean-René Bompolonga- Kinshasa

Na esika Santu- Petelo eye etondaki na bandimi, Papa akobaki molongo ya malongi eye etali mosala ya Elimo Santo na bomoyi ya Eklezia. Na mokolo ya misato 4 ya sanza ya zomi na mibale, abetaki sete na mosala ya bopanzi nsango elamu ya Elimo Santu, eye ezali na motuya na liteya ya Eklezia.

Na botali mokanda ya liboso ya Santu Polo, François alingaki apesa likanisi na oyo etali “biloko mibale bikosimba liteya ya bakristu, oyo ezali na kati, ezali bongo Nsango Elamu, mpe oyo ezali motambuisi na yango, ezali Elimo Santu”.

Nsango Elamu, makambo oyo ezali na kati ya koteya bakristu

Liboso mpenza, Santu Papa alimbolaki nini liloba “Elimo Santu” elingi koloba na lolenge mibale. Ekoki kozala moko ya ba Nsango Elamu ya droit canon, bikomami na Mateo, Malako, Luka mpe Yoane. Awa “Nsango Elamu elingi koloba nsango epesami na Yezu o eleko ya bomoyi na ye awa na nse”.

Lolenge ya mibale ya liloba ena, eye ekopanzana sima ya Pasika, ebombi “mobombano ya pasika ya liwa mpe nsekwa ya Kristu”. Kobanda na lolenge oyo ya mibale nde Papa akebisi mpo libungi eye Santu Polo atelemelaka, “kolekisa mobeko liboso ya ngolu mpe ya misala liboso ya boyambi”. Ezali bongo te, esengeli tango inso “kobandela na bopanzi eye Kristu asalaka mpo na biso”, elingi koloba kérygme, motema ya bopesi nsango”.

Kérygme, kati ya mosala ya bopanzi nsango elamu

Kérygme, ekosakola liwa mpe nsekwa ya Kristu, “esengeli ezala o kati ya mosala ya kosakola nsango elamu mpe mokano nyoso ya sika ya Eklezia”, elobi Mosantu Papa. Na bongo, mpo na ye, sakola ena ezali ya liboso pamba tè “ezali sakola ya monene, eye esengeli tango inso koyoka ya mbala ya sika na lolenge nyoso mpe tosengeli kosakola tango inso ya mbala ya sika na ngonga ya malongi na lolenge ndenge na ndenge”

Eloko mosusu te esengeli eleka liboso ya sakola ena, ata “boyebi nini akoloba ete ye ‘alenda’”, zambi “eloko moko te ya makasi koleka, ya mozindo koleka, ya solo koleka, ya molende koleka mpe ya nzebi koleka sakola ena ezali”.  

Elimo Santo, motambuisi ya sakola ya bakristu

“Nsango Elamu esengeli eteyama mingi na Elimo Santu”, alimbolaki lisusu Papa, na botali mpenza motambuisi bosangeli, sima ya koyekola eye ezali na kati. Na botangi santu Polo, koteya na lipakoli ya Elimo Santu, ezali “kotelema kaka na ba masukulu ya kolendisa ya bwanya te, kasi na emonisami ya Elimo na nguya na ye”. Yezu ye meyi apesi ndakisa tango alobi “Elimo ya Mokonzi ezali na ngai” (Luka, 4,18)

“Elimo Santu ekoya epayi ya bato bazali kosambela”

Na suka ya malongi, Papa François apesi lolenge mibale mpo na kosangana na mosala ya Elimo Santu na bosangeli Nsango Elamu. Liboso losambo pamba tè “Nzambe na likolo akopesa na baye bazali kosenga ye” (Lk 11, 13), mpe asemboli “mingi mpenza o eleko bakosenga ye mpo na kosangela Nsango Elamu ya mwana na ye”.  Kozanga yango, “okokoma eye Apostolu akobenga “Cuivre moko ezali kobeta, cymbale moko ezali koganga” (1Ko, 13,1)

Lolenge ya mibale ezali tango inso miso na oyo etala bosangeli Kristu mpe te “bosangeli ya yo moko”, akobaki Papa, na bobeti sete na baye bateyaka ngonga molayi. Liteya moko esengeli ata moke te “kowumela koleka ba minute zomi”. Asukisi na bolendisi ya kozala na ba misala ya ba missionnaire na maye matali “misala ya lisanga, to mpe  eye bapesi biso na botosi”.