Manaka mya milulu ya Pàpa o eleko ya Mbotama (Noeli).

Biro ya milulu ya mosantu Papa ebimisi, na tongo ya mokolo mwa mosala moko tuku ibale na mitano ya sanza ya novembere, manaka officiel ya milulu mikokambama na Papa kobanda mokolo mwa zomi na mitano ya desembere kin’o mokolo mwa zomi na mibale (12) ya yanuali  

Yambo mokolo mwa 15 ya desembere, na ntango ya mobembo mwa ye na Corse, Papa François akambaki misa esalemaki na Place ya Austerlitz, na mboka Ajaccio, na ngonga ya zomi na mitano (15h)

Milulu mya eleko ya Mbota

Papa akokamba milulu minene ya Mbotama ya Mokonzi o mokolo mwa tuku mibale na mineyi (24) ya desembere na ngonga ya zomi na libwà (19) na kati ya basiliki ya Saint-Pierre. Yambo ya misa, Papa akofungola  Ezipelo Mosantu (Porte Sainte) mp ona kofungola bongo Jubilé ya mobù 2025. Sima ya lobi, 25 desembere, Papa akopesa bobenisi «Urbi et Orbi» na ngonga ya zomi na mibale (12h) ut’o bisika ya bovandi o katikati ya basiliki Saint-Pierre.

Mpo na eyenga ya Mosantu Stefane (Etienne), o mokolo mwa tuku mibale na motoba (26) ya desembere, Papa akofungola Ezipelo Mosantu (Porte Sainte) na boloko Rebibbia ya mboka Roma na ngonga ya libwà (9h). Akokamba mpe lisusu misa moko, sima mpe akosala losambo ya Angelus, na Place Saint-Pierre.

Nsuka ya mbula 2024

Mpo na nsuka y ambula, mukolo mwa tuku isato na yoko ya desembere, Pàpa akokamba misa ya butu ya eyenga enene ya Maria Mama wa Nzambe na ngonga ya zomi na sambo (17h) na kati ya basiliki Sant-Pierre, nà mpe losambo lya « To kotondo yo e Nzambe (Te Deum) » mpo na kotondo botondi na mobù euti koleka.

Mokolo mwa mosala misato 1er ya yanuali, Misa mikokambama na Franswa na kati ya baziliki ya vatican na ngonga ya zomi (10h), mpo na feti ya Marie Theotokos. Lolenge yoko, ikozala milulu mpo na 58è mokolo ya mokili mobimba mpo ya boboto.

Bomimonisi ya Mokonzi    

O mokolo mwa mosala moko, motoba (6) ya yanuali, Mosantu-Papa akokamba misa na libaku ya milulu ya bomonisi bwa Mokonzi na kati ya basiliki Saint-Pierrena ngonga ya zomi (10h).

Na bosukisi, na lomingo mwa zomi na ibale ya yanuali, mpo ya eyenga ya  Batisimo lya Kristo , Papa akokamba misa na kati ya chapelle Sixtine na ngonga ya libwà nà tuku isato (9h30), na libaku oyo wapi bana ebele bakokula batisimo.

Bikwelà binso biye bya motuya, ezali nà bamisa ya bokundoli mpe biyenga binene, ekokabela bandimi bya mokili mobimba libaku ya kolanda milulu mya Papa. Mpo milulu mina mikolekisama na bilili na nzela ya masini ya bopanzi nsango ya Vatican, mingi mpenza na YouTube, Facebook et vaticannews.va.

Matondi na ndenge otangi mokanda eye. Soki olingi kozwa basango tango inso, mikomisa na manaka na biso ya basango na kofina awa